Gujarati News

નવી દિલ્હી : દેશના પૂર્વ વિદેશ પ્રધાન અને ભાજપના નેતા યશવંત સિંહાએ સરહદ વિવાદને લઈને ચીન અને પાકિસ્તાન પર નિશાન સાધ્યું છે. તેમણે કહ્યું કે ચીન એક દુષ્ટ અને કપટપૂર્ણ દેશ છે. તે ફક્ત એક સામ્રાજ્યવાદી દેશ છે, જે અન્ય દેશોની જમીન પચાવી પાડવામાં આગળ છે. ચીને ભારતના હજાર ચોરસ કિલોમીટર કબજે કર્યું છે. ભારતે પોતાની સ્વાયત્તાની રક્ષા કરવી પડશે.

  પૂર્વ વિદેશ પ્રધાને કહ્યું કે, ચીન અને પાકિસ્તાન સાથે મળીને ભારતને પરેશાન કરે છે. વાટાઘાટોથી કોઈ ફાયદો થશે નહીં. ચીની સેનાનું વલણ આપણને લદ્દાખ અથવા એલએસીના અન્ય ભાગમાં પીડા આપવાનું છે

યશવંત સિંહાએ કહ્યું કે પડોશી અને વિશ્વના તમામ દેશો રાષ્ટ્રીય હિત વિશે પહેલા વિચારે છે. જ્યારે ભારત ચીનના બેલ્ટ એન્ડ રોડ પ્રોજેક્ટનો ભાગ બન્યો ન હતો, અન્ય તમામ દેશો તેનો ભાગ બન્યા. એટલે કે, કોઈ અમારી વાત સાંભળશે નહીં. જો કોઈ નિવેદન જારી કરવાની વાત છે, તો અમેરિકા સહિતના દરેક લોકો તેમના રાષ્ટ્રીય હિત અનુસાર નિવેદન જારી કરશે. પરંતુ જો ભારત અને ચીન વચ્ચે સૈન્ય યુદ્ધ થાય છે, તો કોઈ પણ દેશ સૈન્ય મદદ કરશે નહીં. જોકે મોદીની આ નિષ્ફળતા અંગે તેમણે કોઈ ટીકા કરી નથી.