Gujarati News

Gujarati News

News of Thursday, 12th September 2019

ભયંકર વીજળી પડતાં ઝારખંડમાં એક જ ગામનાં 8 લોકોનાં મોત: અનેક લોકો ગંભીર : સમગ્ર ગામ અને વિસ્તારમાં માતમ છવાયો

ભારે વરસાદથી બચવા તમામ લોકો એક વિશાળ વૃક્ષ નીચે બેઠા હતા.વૃક્ષ પર વીજળી પડતા 8 લોકોના મોત: ચાર ગંભીર

ઝારખંડના ગઢવા જિલ્લાના લોહરપુર ગામમાં ગુરૂવારે લગભગ એક વાગ્યે વિજળી પડવાથી એક જ ગામનાં 8 લોકોએ પોતાનો જીવ ગુમાવ્યો છે. એટલું ખુટતું હોય તેમ વીજળીનાં કારમે ઘણા લોકો ઇજાગ્રસ્ત પણ થયા છે.

વીજળીનાં કહેરની પ્રાથમિક માહિતી મળતા જ સ્થાનીક તંત્રની ટીમ ઘટનાસ્થળે પહોંચી ગઇ હતી અને ઇજાગ્રસ્તોને સારવાર અર્થે હોસ્પિટલમાં ભરતી કરવામાં આવ્યા હતા. જાણવામાં આવી રહ્યું છે કે, ઘટનાસ્થળે જ છ લોકોનાં મોત થઇ ગયા હતા અને બે અન્યનાં મોત હોસ્પિટલ પહોંચ્યા બાદ થયા હતા.

નાનકડા ગામમાં એક સાથે 8 -8 લોકોનાં મોતથી સમગ્ર ગામ અને વિસ્તારમાં માતમ છવાઇ ગયો હતો. ઘટનાગ્રસ્ત ગામ ઝારખંડનાં મુખ્ય મથક રાંચીથી આશરે 25 કિમી દૂર આવેલું છે. આ ઘટના ત્યારે બની જ્યારે ભારે વરસાદથી બચવા તમામ લોકો એક વિશાળ વૃક્ષ નીચે બેઠા હતા. આ દરમિયાન વૃક્ષ પર વીજળી પડી હતી. આ ઘટનામાં અત્યાર સુધીમાં 8 લોકોના મોત થયાની પુષ્ટી કરવામાં આવી છે. અને 4 અન્ય લોકો ગંભીર ઇજાગ્રસ્ત હોવાનું સામે આવી રહ્યું છે.

ઝારખંડનાં મુખ્યમંત્રી રઘુવર દાસે ગઢવામાં થયેલ વીજળીની ઘટનાથી 8 લોકોના મોત પર શોક વ્યક્ત કર્યો છે. તેમને મૃતકોના પરિવારજનોને 4-4 લાખ રૂપિયાની મદદની જાહેરાત પણ કરી છે. બુધવારે પણ ગઢવા થાના ક્ષેત્રમાં અકલવાણી ગામમાં વીજળી પડવાથી એક વ્યક્તિનું મોત નિપજ્યું હતું. આ સીવાય બે અન્ય બબલૂ રામ તતા રામલાલ ભુઇયા ગંભીર રૂપે ઘાયલ થયા હતાં. ત્રણે લોકો પોતાના ખેતર જઇને પરત આવી રહ્યા હચાય આ દરમિયાન ઝડપી વરસાદ શરૂ થઇ ગયો. ત્રણે લોકો કંઇ સમજતા તે દરમિયાન જ વીજળી પડી અને તે ઘટનાસ્થળે જ નગીના દાસનું મોત થઇ ગયું.

(9:57 pm IST)
  • સાવરકુંડલાના ખડસલીમાં ધોધમાર વરસાદ.:ખડસલીની જામવાળી નદીમાં આવ્યું પુર.:નદીમાં પુર આવતા લોકો પુર જોવા ઉમટ્યા. access_time 11:18 pm IST

  • સચિવાલય અનેવિધાનસભા માં પ્રવેશ લેવા માટે હેલ્મેટ અને સીટબેલ્ટ ફરજીયાત: ,સચિવાલય અને વિધાનસભાના તમામ ગેટ ઉપર હાથ ધરાશે ચેકીંગ access_time 8:56 pm IST

  • ગણેશ વિસર્જન દરમિયાન 35 વર્ષિય યુવાન તણાયા રાજકોટ સ્વામી નારાયણ ચોકમાંથી ત્રંબા ત્રિવેણી નદિમાં ગણેશ વિસર્જન કરવા આવેલા વિજયભાઈ ઘોઘાભાઇ પરમાર નદિમાં ડુબી જતા ફાયરબ્રિગેડ દ્વારા શોધખોળ હાથ ધરવામાં આવી છે. access_time 6:37 pm IST