Gujarati News

બરનાલાઃ દેવાના બોજ તળે દબાયેલ પંજાબના બરનાલા જીલ્લાના ભોતના ગામમાં એક પરિવારના ચોથી પેઢીના પાંચમા વ્યકિતએ આત્મહત્યા કરી છે. ચાર- ચાર પેઢીથી દેણાના બોજ હેઠળ આ પરિવારમાં આત્મહત્યાનો સીલસીલો ચાલુ છે.

લવપ્રીત સિંહ (૨૨)ની પહેલા તેના પરદાદા, દાદા, દાદાના ભાઈ અને પિતાએ પણ કરજના કારણે જીવન ટુંકાવી દીધુ હતું. ૫૦ વર્ષ પહેલા આ પરિવાર પાસે ૧૩ એકર જમીન હતી, હાલ તેમની પાસે ફકત ૧ એકર જમીન જ બચી છે. યુવકના ઘરમાં દાદી, માતા અને બહેન છે.

ગામના સરપંચ બુધસિંહે જણાવેલ કે લવપ્રીતના પરદાદાએ જોગીન્દરે કરજ લીધુ હતું. ૪૦ વર્ષ પહેલા તેમણે જીવ દીધો હતો. આ દેણાના વ્યાજથી ત્રાસી લવપ્રીતના દાદા ભગવાનસિંહે પણ ૨૫ વર્ષ પહેલા આત્મહત્યા કરી હતી. આમ વ્યાજ વધતુ ગયુ અને જમીન ઘટતી ગઈ હતી.