Gujarati News

મુંબઈ, તા.૧૨ ઃ સ્થાનિક શેરબજારમાં શુક્રવારે સતત બીજા દિવસે વધારો થયો હતો અને બીએસઈ સેન્સેક્સ અસ્થિર વેપારમાં ૧૩૦ પોઈન્ટના વધારા સાથે બંધ થયો હતો. ફુગાવો અને ઔદ્યોગિક ઉત્પાદનના ડેટા જાહેર થતાં પહેલાં બજારોએ ઓઈલ અને ગેસ અને મેટલ અને પાવર શેરોમાં વધારો કર્યો હતો. શરૃઆતના કારોબારમાં બજાર નીચું હતું અને બાદમાં તે વધ્યું હતું. અંતે, બીએસઈ ૩૦ શેરો વાળો પ્રમુખ સેન્સેક્સ ૧૩૦.૧૮ પોઈન્ટ અથવા ૦.૨૨ ટકા વધીને ૫૯,૪૬૨.૭૮ ના સ્તર પર બંધ થયો છે.

નેશનલ સ્ટોક એક્સચેન્જનો નિફ્ટી પણ સતત પાંચમા દિવસે ૩૯.૧૫ પોઈન્ટ ૦.૨૨ ટકા વધીને ૧૭,૬૯૮.૧૫ પર બંધ થયો હતો. આ સમયગાળા દરમિયાન ઓઈલ અને ગેસ, મેટલ અને પાવર શેરોમાં વધારો થયો હતો, જ્યારે હેલ્થકેર અને આઈટી શેરોમાં ઘટાડો થયો હતો.

મુખ્ય સૂચકાંકો સાપ્તાહિક ધોરણે સેન્સેક્સ ૧,૦૭૪ પોઈન્ટ અથવા ૧.૮૩ ટકા અને નિફ્ટી ૩૦૦ પોઈન્ટ અથવા ૧.૯૫ ટકાના વધારા સાથે સતત ચોથા સપ્તાહમાં વધારા સાથે બંધ થયા હતા.

વેપારીઓના મતે વૈશ્વિક બજારોમાં મોટા પ્રમાણમાં હકારાત્મક વલણ અને વિદેશી મૂડીપ્રવાહે પણ સ્થાનિક ઇક્વિટી બજારોને ટેકો આપ્યો હતો.આ હોવા છતાં, ઇન્ફોર્મેશન ટેક્નોલોજી અને હેલ્થ કંપનીઓના શેરમાં સતત ઘટાડો થતો રહ્યો, એમ તેમણે જણાવ્યું હતું. તે જ સમયે, વિશ્લેષકો કહે છે કે રોકાણકારોએ ઈન્ડેક્સ ઓફ ઈન્ડસ્ટ્રીયલ પ્રોડક્શન (આઈઆઈપી) અને કન્ઝ્યુમર પ્રાઈસ ઈન્ડેક્સ (સીપીઆઈ) ડેટા બહાર પાડવા પહેલા મજબૂત ફંડામેન્ટલ્સ ધરાવતી કંપનીઓના શેરો ખરીદ્યા છે. સેન્સેક્સ શેરોમાં એનટીપીસી સૌથી વધુ ૩.૨૬ ટકા વધ્યો હતો. ટાટા સ્ટીલ,

પાવરગ્રીડ, આઈસીઆઈસીઆઈ બેંક, રિલાયન્સ ઈન્ડસ્ટ્રીઝ, એસબીઆઈ અને આઈટીસીના શેર પણ વધ્યા હતા. ઓઈલના ભાવમાં કરેક્શનને કારણે રિલાયન્સ ઇન્ડસ્ટ્રીઝનો શેર ૧.૬૪ ટકા વધ્યો હતો. બીજી તરફ ઈન્ફોસિસ, મારુતિ, એલએન્ડટી, ટેક મહિન્દ્રા, સન ફાર્મા અને હિન્દુસ્તાન યુનિલિવરના શેર લાલ નિશાનમાં બંધ થયા હતા. જિયોજિત ફાઇનાન્શિયલ સર્વિસિસના રિસર્ચ હેડ વિનોદ નાયરે જણાવ્યું હતું કે, બજારમાં તેજી વિદેશી રોકાણકારોની ખરીદી અને ડૉલર ઇન્ડેક્સમાં ઘટાડો થવાને કારણે થઈ હતી. ધાતુઓ અને ઓઈલ અને ગેસમાં ખરીદી વધી હતી જ્યારે આઈટી અને ફાર્મા કંપનીઓના શેરોએ રોકાણકારોના સેન્ટિમેન્ટને પ્રભાવિત કર્યો હતો.

સરકારે શહેરોની ગેસ વિતરણ કંપનીઓને સીએનજી અને પીએનજીની કિંમતો ઘટાડવા માટે કેટલાક કુદરતી ગેસ ઉદ્યોગોમાંથી આપ્યા છે. આ કારણે તમામનું ધ્યાન ઓઈલ અને ગેસ કંપનીઓના શેરો પર હતું.

આ સિવાય બીએસઈ મિડકેપ ૦.૧૫ ટકા અને સ્મોલકેપ ઈન્ડેક્સ ૦.૩૯ ટકા વધ્યા છે. અન્ય એશિયન બજારોમાં, હોંગકોંગનો હેંગસેંગ, દક્ષિણ કોરિયાનો કોસ્પી અને જાપાનનો નિક્કી લાભ સાથે સમાપ્ત થયો હતો, જ્યારે ચીનનો શાંઘાઈ કમ્પોઝિટ નુકસાન સાથે સમાપ્ત થયો હતો. તે જ સમયે, યુરોપના મુખ્ય બજારો પ્રારંભિક કારોબારમાં મજબૂત કારોબાર કરી રહ્યા હતા.

 શેરબજારના ડેટા અનુસાર, વિદેશી સંસ્થાકીય રોકાણકારો (એફઆઈઆઈ) મૂડી બજારમાં ચોખ્ખા ખરીદદાર હતા. તેમણે ગુરુવારે રૃ. ૨,૨૯૮.૦૮ કરોડના શેર ખરીદ્યા હતા. દરમિયાન, આંતરરાષ્ટ્રીય ઓઈલ બેન્ચમાર્ક બ્રેન્ટ ક્રૂડ ૦.૪૦ ટકા વધીને ૧૦૦ ડોલર પ્રતિ બેરલ