Gujarati News

Gujarati News

News of Wednesday, 12th August 2020

કોરોનાનાં લક્ષણો ધરાવતા આમંત્રિત લોકોએ સ્વતંત્રતા દિવસ સમારોહમાં હાજરી ટાળવી : દિલ્હી પોલિસ

દિલ્હી પોલિસ દ્વારા જાહેર કરવામાં આવ્યુ છે કે લાલકિલ્લા પર આયોજિત થનારા સ્વતંત્રતા દિવસ સમારોહ કોરોનાનાં લક્ષણો ધરાવતી વ્યક્તિઓએ આવવું નહીં. જો કાર્યક્રમાં 2 અઠવાડિયા પહેલા કોરોનાનાં કોઈ લક્ષણો દેખાય તો કાર્યક્રમનો ભાગ બનવાથી દૂર રહેવું.

પોલિસે આમંત્રિત લોકોને સમારોહ દરમિયાન ગૃહ મંત્રાલય અને સ્વાસ્થ્ય મંત્રાલય દ્વારા જાહેર કરવામાં આવેલા નિર્દેશનોનું ફરજિયાતપણે પાલન કરવા વિનંતિ કરી છે. આ સમારોહ માટે 4000 જેટલા પોલિસકર્મીઓ ડ્યૂટી પર રહેશે.

સમારોહ દરમિયાન કોઈપણ વ્યક્તિને કેમેરા, દૂરબીન, રિમોટવાળી કારની ચાવીઓ, છત્રી, હેન્ડબેગ, બ્રીફકેસ, ટ્રાંઝિસ્ટર, સિગરેટ લાઈટર, ટિફિન બોક્સ, પાણીની બોટલ વગેરે જેવી વસ્તુઓને લાવવાની મનાઈ ફરમાવવામાં આવી છે.

સ્વતંત્રતા દિવસ માટેની ફુલ ડ્રેસ રિહર્સલ ગુરૂવારે કરાશે. લાલકિલ્લા પર ભૂમિદળ, વાયુદળ અને નેવીના રક્ષાકર્મી માર્ચ કરશે. જ્યારે વડાપ્રધાન મોદી 74 માં સ્વતંત્રતા દિવસને સંબોધશે.

(2:03 pm IST)
  • દેશમાં કોરોના કેસનો આંકડો 23 લાખને પાર પહોંચ્યો : 16 લાખથી વધુ દર્દીઓએ કોરોના સામે જંગ જીત્યો : રાત્રે 9 વાગ્યા સુધીમાં દેશમાં કોરોનાના નવા 55,602 કેસ વધતા કુલ કેસની સંખ્યા 23,22,755 થઇ : એક્ટિવ કેસ 6,42,864 થઇ : વધુ 51,716 દર્દીઓ સાજા થતા કુલ 16,33,356 દર્દીઓ રિકવર થયા : વધુ 709 લોકોના મોત સાથે મૃત્યુઆંક 46,062 થયો access_time 9:21 pm IST

  • કોંગ્રેસના રાષ્ટ્રીય પ્રવક્તા રાજીવ ત્યાગીનું નિધન : ટી.વી.ડીબેટમાં ભાગ લીધા પછી આવેલો હાર્ટ એટેક જીવલેણ નીવડ્યો : ટી.વી.ડીબેટમાં સાથે ભાગ લેનાર ભાજપના નેતા સંબિત પાત્રાએ પોતાના મિત્રની ચીર વિદાય બદલ શોક વ્યક્ત કર્યો access_time 8:18 pm IST

  • 15 ઓગસ્ટે વડાપ્રધાન નરેન્દ્ર ભાઈ મોદી પ્રમાણિક કરદાતાઓ માટે "ટ્રાન્સપેરન્ટ રિવોર્ડ પ્લાન" (પારદર્શક પુરસ્કાર યોજના) જાહેર કરે તેવી પૂરી સંભાવના(ન્યૂઝ ફર્સ્ટ) access_time 9:56 am IST