Gujarati News

Gujarati News

News of Friday, 12th July 2019

હાઈવે પર અચાનક ડોલરનો વરસાદ;ચારેબાજુ નોટો ઉડવા લાગી : ગાડીઓ રોકીને લોકોએ લૂંટ ચલાવી :જુઓ વિડિઓ

અમેરિકાના નોર્થ એટલાન્ટાના ઈન્ટરસ્ટેટ હાઈવે નંબર 285 પર નોટો ભરેલી ટ્રકનો દરવજો ખુલો રહી જતા નોટોનો વરસાદ થયો: 1.20 કરોડ રૂપિયાની નોટ લૂંટાઈ ગઈ

વોશિંગ્ટન: અમેરિકામાં એક હાઈવે પર અચાનક ડોલરનો વરસાદ થવા લાગતા ચારેબાજુ નોટો ઉડવા લાગી હતી ત્યારે  હાઈવે પર પસાર થતી  ગાડીઓમાં બેસેલા લોકો પણ કાર રોકી ડોલર ભેગા કરતા જોવા મળ્યાં હતા  સોશિયલ મીડિયા પર આ ઘટનાનો વીડિયો ખુબ વાઈરલ થઈ રહ્યો છે.

 આ અંગેની મળતી વિગત મુજબ  નોર્થ એટલાન્ટાના ઈન્ટરસ્ટેટ હાઈવે નંબર 285 પર નોટોથી ભરેલી એક ટ્રક (આર્મર્ડ ટ્રક) પસાર થઈ રહી હતી. ટ્રકનો દરવાજો થોડો ખુલી ગયો અને હાઈવે પર નોટોનો વરસાદ થવા લાગ્યો. પછી તો શું, હાઈવે પર કેશની લૂંટ મચી ગઈ. લોકોએ પોત પોતાની ગાડીઓ રોકીને કેશ લૂટવાનું શરૂ કરી દીધુ. આર્મર્ડ ટ્રક કંપનીનું અનુમાન છે કે તેના 1,75,000 ડોલર એટલે કે 1.20 કરોડ રૂપિયાની નોટ લૂંટાઈ ગઈ છે.

 હાઈવે પરથી પસાર થતા કેટલાક લોકોએ નોટોનો વરસાદ અને તેની લૂંટનો વીડિયો બનાવ્યો અને સોશિયલ મીડિયા પર હવે આ વીડિયો વાઈરલ થઈ ગયો. આ ઘટના મંગળવારની છે. સૂચના મળતા જ પોલીસ ઘટનાસ્થળે પહોંચી પરંતુ આમ છતાં તેમની હાજરીમાં પણ કેશલૂંટ ચાલુ જ રહી. ડનવુડ પોલીસે એક નિવેદન બહાર પાડીને કહ્યું  છે કે પોલીસ ઓફિસરોના ઘટના સ્થળે પહોંચવા છતાં કેટલાક લોકો કેશ લૂંટતા રહ્યાં. 

હાઈવેથી પસાર થઈ રહેલા ઉબેર કેબના એક ડ્રાઈવરે ન્યૂઝ ચેનલને જણાવ્યું કે પહેલા તો એવું લાગ્યું કે પત્તા ઉડી રહ્યાં છે. પરંતુ ત્યારબાદ ખબર પડી કે આ પત્તા નથી પરંતુ ડોલર છે. તેમણે કહ્યું કે રસ્તા પર ચારેબાજુ ડોલર જ ડોલર હતા. 

ડનવુડી પોલીસે  લોકોને લૂટાયેલા ડોલર પાછા આપવાની અપીલ કરી છે. પોલીસે લોકોને કહ્યું છે  કે ટ્રકમાંથી ઉડેલી કેશ રાખવી ગેરકાયદેસર છે. તેઓ પાછા નહીં આપે તો કાર્યવાહી થશે. બુધવારે સાંજ સુધીમાં ફક્ત 6 લોકોએ પોલીસ પાસે પહોંચીને 4400 ડોલર એટલે કે 3 લાખ જેટલા રકમ પાછી આપી. 

(11:20 pm IST)
  • અક્ષય સૌથી વધારે કમાણીકરનાર બોલિવુડ સ્ટાર છે : દુનિયાભરમાં એક વર્ષમાં સૌથી વધારે કમાણી કરનારા : સ્ટારોની યાદી જારી કરાઇ : ભારતથી માત્ર અક્ષરકુમાર સલમાન, આમીર, શાહરૂખ પાછળ રહી ગયા access_time 3:59 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST