Gujarati News

Gujarati News

News of Friday, 12th July 2019

શિરડીની દીવાલ પર દેખાઈ સાંઈબાબાની આકૃતિઃ દર્શન કરવા ભકતોની ભીડ જામી

મંગળવારે રાત્રે ૧૧.૩૦ના રોજ આરતી થઈ રહી હતી ત્યારે આ ઘટના બની હતી

શિરડી, તા.૧૨: અત્યારે શિરડીમાં સાંઈબાબાના હજારો ભકતોની ભીડ જામી છે, કારણ છે કથિત ચમત્કાર. ચર્ચા મુજબ શિરડીમાં સાંઈબાબાની સમાધિ નજીક આવેલા દ્વારકામાઈની દીવાલ પર સાંઈબાબાની આકૃતિ દેખાઈ છે. રિપોર્ટ્સ અનુસાર મંગળવારે રાત્રે ૧૧.૩૦ના રોજ આરતી થઈ રહી હતી ત્યારે આ ઘટના બની હતી.

આરતીમાં હાજર બાબાના અનેક ભકતોએ દાવો કર્યો કે તેમને દીવાલ પર સાંઈબાબાની આછી આકૃતિ દેખાઈ હતી. દ્વારકામાઈ એ જગ્યા છે જયાં બાબાએ તેમના જીવનનો ઘણો સમય વીતાવ્યો હતો.

ભકતોનું કહેવું છે કે સાંઈ બાબા આ આકૃતિમાં હસતા જોવા મળ્યા હતા. દીવાલ પર થોડા સમય માટે આ આકૃતિ રહી હતી અને પછી ઓઝલ થઈ ગઈ હતી. આ બીજી વાર એવુ બન્યું છે જયારે દ્વારકામાઈ મંદિરની દીવાલ પર બાબાની આકૃતિ દેખાઈ હોય. બુધવારથી મંદિર ખુલ્લુ રાખવામાં આવ્યું છે અને હજારો ભકતોએ બાબાના આશીર્વાદ લીધા છે. ભકતોનું માનવું છે કે દયાળુ બાબાએ પોતે ભકતોને દર્શન આપ્યા છે. દિલ્હીથી આવેલા એક ભકતે પણ દાવો કર્યો કે તેણે બાબાની આકૃતિ દીવાલ પર જોઈ હતી.

ઉલ્લેખનીય છે કે શિરડી સાંઈબાબાનું મંદિર આખા દેશના સૌથી લોકપ્રિય મંદિરોમાંનું એક છે અને વર્ષે લાખો ભકતો અહીં બાબાના દર્શન માટે આવે છે.

(3:21 pm IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • ૧૪ કોંગી બળવાખોરો મુંબઈની હોટલમાં પાછા ફર્યા : ૨ દિ' વધુ રોકાશે : કર્ણાટકના ૧૪ બળવાખોર ધારાસભ્યો મુંબઈની હોટેલમાં પાછા ફર્યા, વધુ ૨ દિવસ રોકાય તેવી શકયતા access_time 1:12 pm IST

  • એર કેનેડાની ૨૮૪ મુસાફરો સાથેની ફલાઈટનું હોનાલુલુમાં ઈમરજન્સી લેન્ડીંગઃ ૩૫ યાત્રીકો ઘાયલ : એયર કેનેડાની ફલાઈટનું ખરાબ હવામાનના કારણે ઈમરજન્સી લેન્ડિંગઃ ૩૫ યાત્રીઓ ઘાયલઃ એયર કેનેડાની ફલાઈટનું હોનોલુલુમાં ઈમરજન્સી લેન્ડિંગઃ ટોરેન્ટોથી સિડની જતી ફલાઈટ AC 22માં ખરાબ હવામાને કારણે લેન્ડિંગ access_time 3:23 pm IST