Gujarati News

Gujarati News

News of Friday, 12th July 2019

આજી-ન્યારીમાં ફરી નર્મદાના નીર ઠાલવવા પડશેઃ ચિંતાના વહેણ

૩૧ જુલાઇ સુધીમાં વરસાદનું પાણી ન આવે તો રાજકોટ વધુ એક વખત નર્મદાના સહારેઃ હાલ ૧પ ઓગષ્ટ સુધીનું જ પાણી છેc

રાજકોટ, તા., ૧૨: વરસાદ ખેંચાઇ જતા સમગ્ર સૌરાષ્ટ્ર-ગુજરાતમાં ચિંતાના વાદળો ઘેરાયા છે. રાજકોટને પાણી પુરૂ પાડતા મુખ્ય જળાશયો આજી અને ન્યારીમાં પણ હવે માત્ર એક મહિના જેટલું પાણી હોય તંત્ર વાહકો દરરોજ ર૦ મીનીટ પાણી માટે ચિંતીત બન્યા છે અને જો આગામી ૩૧ જુલાઇ સુધીમાં સંતોષકારક વરસાદ ન પડે તો આ બન્ને જળાશયો નર્મદા નીરથી ભરી દેવાની તૈયારી અત્યારથી શરૂ કરી દીધી હોવાનું જાણવા મળ્યું છે.

આ અંગે સતાવાર સુત્રોના જણાવ્યા મુજબ હાલમાં રાજકોટ શહેરમાં ન્યારી અને આજી ડેમ ઉપરાંત બેડી ફિલ્ટર પ્લાન્ટથી નર્મદા પાઇપ લાઇન આધારીત યોજના દ્વારા દરરોજ ર૦ મીનીટ પાણી આપવામાં આવી રહયું છે. પરંતુ હવે તંત્રની ધારણા મુજબ જુલાઇ મહિનો શરૂ થઇ ગયો છે છતાં પણ વરસાદ નહી આવતા આગામી દિવસોમાં દરરોજ પાણી વિતરણ મુશ્કેલ બને તેવા સંજોગો વર્તાઇ રહયા છે.

આંકડાકીય માહીતી મુજબ આજી ડેમમાં હાલમાં ૩૧૪ એમસીએફટી પાણીનો જથ્થો છે જયારે ન્યારી-૧માં ૩૪૧ એમસીએફટી  પાણીનો જથ્થો છે. વોટર વર્કસ વિભાગના વોટર ટેબલ એટલે કે પાણી વિતરણના આંકડાઓ મુજબ આ જળજથ્થો આગામી ૧પ ઓગષ્ટ સુધી જ ચાલે તેટલો છે.

આમ હવે જો ૩૧ જુલાઇ સુધીમાં આજી અને ન્યારી બન્ને ડેમમાં જરૂરીયાત મુજબનું નવુ પાણી આવે તેવો સંતોષકારક વરસાદ ન પડે તો મ્યુ. કોર્પોરેશન દ્વારા રાજય સરકાર પાસે વધુ એક વખત ખોળો પાથરી અને આજી અને ન્યારી ડેમમાં નર્મદા નીર ઠાલવવાનું શરૂ કરી આ બંન્ને ડેમમાં પર્યાપ્ત જળજથ્થો ઉપલબ્ધ કરાવે તેવી સતાવાર લેખીત માંગણી કરવામાં આવનાર હોવાનું જાણવા મળ્યું છે.

ભાદરમાં નર્મદા નીર ઠાલવવાનું બંધઃ સપાટી ૯ ફુટે પહોંચી

નોંધનીય છે કે રાજકોટને ભાદરમાંથી પાણી આપવામાં આવતું હતું તે હાલમાં બંધ કરી દેવાયું છે અને ભાદરમાંથી જેતપુર, ગોંડલ, શાપર-વેરાવળ વગેરેને પાણી વિતરણ થઇ રહયું છે. દરમિયાન ભાદર ડેમમાં નર્મદાનીર ઠાલવવામાં આવતા હતા તે હવે બંધ કરી દેવાયા છે અને કુલ ૩૪ ફુટનો આ ડેમ હાલ ૯ ફુટની સપાટીએ પહોંચ્યો છે.

(3:15 pm IST)
  • બીટકોઈન - ક્રિપ્ટો કરન્સીનો હું પ્રશંસક નથી : ડોનાલ્ડ ટ્રમ્પ : ડોનાલ્ડ ટ્રમ્પે જાહેર કર્યુ હતું કે જેની કિંમતો બહુ અસ્થિર છે અને જેનો પાયો નબળો છે તેવી બીટકોઈન અને તેના જેવી બીજી ક્રીપ્ટો કરન્સીનો હું પ્રશંસક નથી access_time 1:13 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST