Gujarati News

Gujarati News

News of Friday, 12th July 2019

મેડીકલમાં ઈતિહાસ સર્જાયો : દેશમાં પ્રથમ વખત રોબોટે સફળ સ્પાઈનની સર્જરી કરી

રોબોટ દ્વારા સ્પાઈન સર્જરીમાં ભારત હવે અમેરિકા પછી વિશ્વનો બીજો દેશ બન્યો

નવી દિલ્હી, તા.૧૨ : ટેકનોલોજીના ઉપયોગથી ભારતે મેડિકલ ક્ષેત્રે ઇતિહાસ રચ્યો છે ભારત હવે અમેરિકા પછી વિશ્વનો બીજો દેશ બની ગયો છે જયાં એક રોબોટે સફળ સ્પાઈન સર્જરી કરી છે.આ રોબોટ સ્પાઈનલ ઈન્જરી સાથે સંકળાયેલી સર્જરી કરશે, પરંતુ ભવિષ્યમાં અત્યંત કપરામાં કપરી સર્જરી પણ રોબોટ સરળ બનાવી દેશે. આ રોબોટની મદદથી સર્જરી ઝડપથી અને ટૂંકા સમયમાં થાય છે. બોન કેન્સર, જોઈન્ટ રિપ્લેસમેન્ટ, હાડકાના અંદરના ભાગ સુધી પહોંચવામાં તેનો ઉપયોગ કરી શકાશે.

દિલ્હીની ઈન્ડિયન સ્પાઈનલ ઈન્જરીઝ સેન્ટરમાં રહેલા આ એડવાન્સ્ડ રોબોટે અત્યાર સુધી ૫ સફળ સર્જરી કરીને મેડિકલ ફિલ્ડમાં ખુદને સાબિત કરી દીધો છે. દિલ્હીમાં રહેતી પ્રીતિ પાંડે(૩૩ વર્ષ)ની કરોડરજ્જુ વાંકી થઈ ગઈ હતી, તેને પગમાં ગંભીર નબળાઈ અને કમરની વિકલાંગતાની સમસ્યા હતી. ૮ જુલાઈના રોજ એડવાન્સ રોબોટિક સિસ્ટમની મદદથી તેનું ઓપરેશન કરવામાં આવ્યું હતું. રોબોટનું નામ સાંભળીને પહેલા તો તે ખુદ ડરી ગઈ હતી.

રોબોટની મદદથી હવે સ્પાઈન સર્જરી પણ સરળતાથી કરી શકાશે. હાડકામાં ૧.૬ મીમીનું છિદ્ર કરવાનું હશે તો પણ ડોકટરના આદેશ પર આ રોબોટ કરી આપશે. મેડિકલ ડિરેકટર કમ ચીફ ઓફ સ્પાઈન સર્વિસિસના ડો. એચ.એસ. છાબડાએ જણાવ્યું કે, ઈન્ડિયન સ્પાઈનલ ઈન્જરી સેન્ટર અમેરિકા પછી દુનિયાની પ્રથમ હોસ્પિટલ છે જયાં એડવાન્સ રોબોટિક સિસ્ટમ ઉપલબ્ધ છે.

ઉલ્લેખનીય છે કે, રોબોટની મદદથી કરવામાં આવતી સર્જરીમાં ઈમ્પ્લાન્ટની જરૂર રહેતી નથી, રિવીઝન સર્જરી, રેડિએશન એકસપોઝર, હોસ્પિટલમાં રોકાવાનો સમય અને ઈન્ફેકશન વગેરેનું જોખમ અત્યંત ઓછું થઈ જાય છે.

(1:17 pm IST)
  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST

  • આકાશમાં આફત :માંડ માંડ બચ્યો 284 લોકોનો જીવ : એયર કેનેડાની ફ્લાઈટનું ઇમરજન્સી લેન્ડિંગ :35 યાત્રીઓ ઘાયલ :એયર કેનેડાની ફ્લાઇટનું હોનોલુલુમાં ઇમરજન્સી લેન્ડિંગ :ટોરેન્ટોથી સિડની જતી ફ્લાઈટ AC 22માં ખરાબ હવામાનને કારણે લેન્ડિંગ ;:વિમાનમાં સવાર 35 લોકોને ઇજા access_time 12:50 am IST

  • બીટકોઈન - ક્રિપ્ટો કરન્સીનો હું પ્રશંસક નથી : ડોનાલ્ડ ટ્રમ્પ : ડોનાલ્ડ ટ્રમ્પે જાહેર કર્યુ હતું કે જેની કિંમતો બહુ અસ્થિર છે અને જેનો પાયો નબળો છે તેવી બીટકોઈન અને તેના જેવી બીજી ક્રીપ્ટો કરન્સીનો હું પ્રશંસક નથી access_time 1:13 pm IST