Gujarati News

Gujarati News

News of Friday, 12th July 2019

અમેરિકામાં મંગલ મંદિર મેરીલેન્ડ મુકામે આવતીકાલ 13 જુલાઈ શનિવાર તથા 14 જુલાઈ રવિવારના રોજ શીખર આરોહણ મહોત્સવ : પાટોત્સવ, ધ્વજાજી પૂજન, કળશ પૂજા, શિખર પૂજા, હવન, સહિતના કાર્યક્રમો યોજાશે

મેરીલેન્ડ : અમેરિકામાં મંગલ મંદિર મેરીલેન્ડ મુકામે આવતીકાલ 13 જુલાઈ શનિવાર તથા 14 જુલાઈ રવિવારના રોજ શીખર આરોહણ મહોત્સવનું આયોજન કરાયું છે.

બે દિવસીય ઉજવણી અંતર્ગત આવતીકાલ 13 જુલાઈ શનિવારના રોજ સવારે 7-30 થી બપોરે 12-30 દરમિયાન મંગળા આરતી ,પાટોત્સવ ,ભજન ,લોટી પૂજા ,તથા ધ્વજાજી પૂજા કરાશે બાદમાં લંચનું આયોજન કરાયું છે.બપોર પછી શિખર પૂજા સાથે 4 થી 7 વાગ્યા દરમિયાન હવન કરાશે બાદમાં મહાપ્રસાદનું આયોજન કરાયું છે.

14 જુલાઈ રવિવારે બપોરે 3-30 થી સાંજે 6-30 દરમિયાન મુખ્ય કળશ પૂજા તથા વેદિક મંત્રોચ્ચાર સાથે હવન કરાશે તથા મુખ્ય કળશનું  સાંજે 6-30 થી 7-30 વાગ્યા દરમિયાન શિખર ઉપર આરોહણ કરાશે બાદમાં નાના કળશમાં પવિત્ર જલ સાથે શોભાયાત્રા નીકળશે તથા આ પવિત્ર જલ  મુખ્ય કળશમાં પધરાવાશે બાદમાં આરતી થશે ત્યારબાદ ડિનરનું આયોજન કરાયું છે.

વિશેષ માહિતી તથા રજીસ્ટ્રેશન માટે www.mangalmandir.org/shikhar દ્વારા સંપર્ક સાધવા જણાવાયું છે.

(12:03 pm IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • એર કેનેડાની ૨૮૪ મુસાફરો સાથેની ફલાઈટનું હોનાલુલુમાં ઈમરજન્સી લેન્ડીંગઃ ૩૫ યાત્રીકો ઘાયલ : એયર કેનેડાની ફલાઈટનું ખરાબ હવામાનના કારણે ઈમરજન્સી લેન્ડિંગઃ ૩૫ યાત્રીઓ ઘાયલઃ એયર કેનેડાની ફલાઈટનું હોનોલુલુમાં ઈમરજન્સી લેન્ડિંગઃ ટોરેન્ટોથી સિડની જતી ફલાઈટ AC 22માં ખરાબ હવામાને કારણે લેન્ડિંગ access_time 3:23 pm IST

  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST