Gujarati News

Gujarati News

News of Friday, 12th July 2019

માનું ડૂસકું સાંભળીને બ્રેઇન-ડેડ જાહેર થયેલો દીકરો જીવતો થયો

હૈદ્રાબાદ તા. ૧ર : તેલંગણના પિલ્લાલમરી ગામમાં ૧૮ વર્ષનો ગંધમ કિરણ નામનો એક યુવક બ્રેઇન-ડેડ થઇ ગયો હતો. પરિવારજનો તેના અંતિમ સંસ્કારની તૈયારીમાં લાગ્યા હતા. જો કે તેની જન્મદાતા મા હજી દિકરાનું મોત થઇ ગયું છે. એ સ્વીકારી શકી નહોતી. દિકરા પાસે બેસીને તે જોરજોરથી ડૂસકાં લઇ રહી હતી અને એ જ વખતે દિકરાની આંખમાંથી આંસુ સરી પડયાં.એ જોઇને આસપાસમાં હાજર પરિવારજનોમાં ખુશીની લહેર દોડી ગઇ હતી. તરત જ નજીકમાંથી ડોકટરને બોલાવવામાં આવ્યા ડોકટરે હાથ તપાસીને કહ્યું કે હજી દિકરાની નાડી ચાલુ છ.ે બસ પછી તો પરિવારજનો તરત જ દિકરાને પાછો હોસ્પિટલ લઇ ગયા. હૈદ્રાબાદની મોટી હોસ્પિટલના નિષ્ણાંતોની સલાહ લઇને ગંધમને સૂર્યપટ જિલ્લાની હોસ્પિટલમાં જ સારવાર આપવામાં આવી. ત્રણ દિવસમાં દિકરો સાજો થઇ ગયો.

ગંધમને એકયુટ હેપેટાઇટિસને કારણે ભારે તાવ અને ઉલટીઓ થતી હતી અને પછી તે કોમામાં જતો રહ્યો હતો, પરંતુ માનું રૂદન સાંભળીને તે પાછો ભાનમાં આવી ગયો હતો

(10:22 am IST)
  • ૧૪ કોંગી બળવાખોરો મુંબઈની હોટલમાં પાછા ફર્યા : ૨ દિ' વધુ રોકાશે : કર્ણાટકના ૧૪ બળવાખોર ધારાસભ્યો મુંબઈની હોટેલમાં પાછા ફર્યા, વધુ ૨ દિવસ રોકાય તેવી શકયતા access_time 1:12 pm IST

  • ઘર ખરીદવાની ક્ષમતા ૪ વર્ષમાં સૌથી બદત્તરઃ રીઝર્વ બેંકનો રિપોર્ટ : સરકારે રાહતદરના મકાનો આપવાનો પ્રયાસ કર્યો હોવા છતાં પણ લોકોમાં ઘર ખરીદવાની ક્ષમતા ૪ વર્ષમાં સૌથી બદત્તર સ્થિતિમાં પહોંચી છેઃ દિલ્હી, મુંબઇ સહિત ૧૩ શહેરોના સર્વે બાદ રીઝર્વ બેંકે આ મૂજબ જણાવ્યું છે. ૪ વર્ષમાં આવકના મુકાબલે મકાનની કિંમત સૌથી વધુ વધી છે access_time 11:23 am IST

  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST