Gujarati News

Gujarati News

News of Thursday, 12th July 2018

૨૪ કલાકમાં એક હાથે કર્યા ૨૪૭૪ રૂબિક કયુબ્સ સોલ્વ

ચેન્નઇ તા.૧૨: વીસ વર્ષના ક્રિષ્ના સાંઇ નામના યુવકે તાજેતરમાં અનોખો ગિનેસ વર્લ્ડ રેકોર્ડ બનાવ્યો છે. રુબિક કયુબ પઝલ સોલ્વ કરવામાં માહેર એવા ક્રિષ્નાએ હવે માત્ર એક જ હાથનો ઉપયોગ કરીને પઝલ સોલ્વ કરવાની જબરી કાબેલિયત કેળવી છે. તાજેતરમાં તેણે  ૨૪ કલાકના સમયમાં એક હાથે કુલ ૨૪૭૪ કયુબ સોલ્વ કરીને નવો કીર્તિમાન સ્થાપિત કર્યો છે. આ પહેલા઼નો રેકોર્ડ પણ સાઉથ ઇન્ડિયનના નામે જ હતો. ૨૦૧૪માં રાજુ ગદીરાજુ નામના ભાઇએ ૨૪ કલાકમાં ૨૧૭૪ કયુબ્સ સોલ્વ કરવાનો રેકોર્ડ બનાવ્યો હતો.

ક્રિષ્નાઅ લગભગ ૩૦૦ વધુ રુબિક પઝલ્સ સોલ્વ કરીને આ ખિતાબ પોતાના નામે કરી લીધો  હતો. ક્રિષ્ના સાંઇને આમ તો બાળપણથી રુબિક કયુબ્સ સોલ્વ કરવાનુ ગમતું હતું, પરંતુ તેણે ૨૦૧૪થી જ આ ગેમમાં કોમ્પિટિટિવ બનવાની પ્રેકિટસ શરૂ કરી હતી. એક પઝલ ૧૦ સેકન્ડમાં સોલ્વ  થાય એ માટેની ટેકિનક તે યુટયુબ જોઇને શીખેલો. રેકોર્ડ બનાવવા માટે જયારે ક્રિષ્ના બેઠો ત્યારે શરૂઆતના કેટલાક કલાકોમાં તેણે માત્ર બેથી પાંચ મિનિટનો જ બ્રેક લીધો હતો. પહેલા સાડાચાર કલાકમાં તેણે ૬૦૦ કયુબ્સ સોલ્વ કરી નાખ્યાં હતા. (૧.૧૬)

(3:59 pm IST)
  • ડાંગમાં ભારે વરસાદથી અંબિકા નદીમાં પાણી આવતા ગીરા ધોધનો અદભુત વૈભવ છલક્યો: ડાંગમાં વરસાદને લઈને અંબિકા નદીમાં પાણી આવતા ગીરાધોધ પર ફરી અદભૂત નજારો જોવા મળી રહ્યો છે. છેલ્લા 24 કલાકમાં સાપુતારામાં 114 મિમી, વઘઈમાં 203 મિમી વરસાદ વરસ્યો છે. જ્યારે આહવામાં 95 મિમી અને સુબીરમાં 43 મિમી વરસાદ વરસ્યો છે. access_time 1:08 pm IST

  • ભારતના કુલદિપ સામે ફિરંગીઓ ધ્વંસ: કુલદિપ યાદવે 25 રન આપી 6 વિકેટ ઝડપી - વન-ડે ક્રિકેટ ઇતિહાસમાં આ કોઇ પણ લેફ્ટ હેન્ડ બોલરનું સર્વશ્રેષ્ઠ પ્રદર્શન access_time 11:03 pm IST

  • રાજકોટના શાપર -વેરાવળમાં ભારે વરસાદને કારણે 150 લોકો પાણીમાં ફસાયા ;તંત્રએ તમામને સહી સલામત સ્થળે ખસેડાયા :વહીવટી તંત્રએ તમામ માટે ભોજન વ્યવસ્થા કરી access_time 11:26 pm IST