Gujarati News

Gujarati News

News of Thursday, 12th July 2018

૩૫ ખૂંખાર ત્રાસવાદીઓ ઘુસણખોરીની તૈયારીમાં

એલઓસી ઉપર પાકિસ્તાની સેનાના કેમ્પમાં છુપાયા છેઃ ભારતમાં હુમલો કરવા ઘડયુ છે ષડયંત્ર

જમ્મુ, તા. ૧૨ :. ત્રાસવાદી સંગઠન લશ્કર-એ-તોઈબાના ત્રાસવાદીઓ એલઓસી પર ઘુસણખોરી કરવા માટે તૈયાર થઈને બેઠા છે. એલઓસી નજીક ચાર સ્થળે આ નાલાયકો પહોંચી ગયા છે. તેઓ પાકિસ્તાની સેનાના બંકરો અને કેમ્પોમાં છુપાયા છે. ગુપ્તચર એજન્સીઓ પાસે આ અંગેની માહિતીઓ આવી છે.

ઘુસણખોરી બાદ આ ત્રાસવાદીઓ કોઈ મોટા ફીદાઈન હુમલાને અંજામ આપવાની વેતરણમાં છે. ૩૫ ખૂંખાર ત્રાસવાદીઓ અત્યારે ઘુસણખોરી માટે ટાંપીને બેઠા છે. માછીલ સેકટરમાં સૌથી વધુ ૧૮ ત્રાસવાદીઓ પીઓકેના શારદીની નજીક બેઠા છે. નવગામની સામે પીઓકેના લીપામા ૮, પુંચમાં કાલુ દી ડેરીમાં ૬ અને પુંચના બીંબર ગલીની સામે પીઓકેના કોટલીમાં ૩ ત્રાસવાદીઓ બેઠા છે. એક મહિના પહેલા માહિતી મળી હતી કે, ૪૫૦ ત્રાસવાદીઓ ઘુસણખોરી માટે બેઠા છે કે જેઓ દેશમાં હુમલો કરવા માગે છે. હવે મળતી છેલ્લી માહિતી મુજબ આ લોકોની સંખ્યા ૩૫ની છે.

કાશ્મીરના ગુરેજ, માછીલ, કેરન, ટંગધાર, નવગામ, ઉડી, પુંચ, બીંબર ગલી, નવશેરા અને રામપુર વિસ્તારની સામે પાકિસ્તાની સેનાના કેમ્પમાં આ ત્રાસવાદીઓ બેઠા છે. આ વિસ્તારમાં ભારતે સર્જીકલ સ્ટ્રાઈક પણ કરી છે. આમ છતા આ નાલાયકો ફરી પાછા આવી ગયા છે. સૂત્રોનું કહેવુ છે કે બીંબર ગલી પાસે ૧૨૦ ત્રાસવાદીઓ મોજુદ છે.

(11:22 am IST)
  • FIFA વર્લ્ડકપ ફાઇનલમાં પહોંચતું ક્રોએશિયા : ઇંગ્લેન્ડને 2-1 થી પરાસ્ત કર્યું : એક્સ્ટ્રા ટાઈમમાં વધુ 1 ગોલ કરીને ક્રોએશિયાએ જબબર જીત મેળવી : ઇંગ્લેન્ડના કરોડો ફૂટબોલ રસિકોમાં છવાયો માતમ : ક્રોએશિયાનાં ફેન્સમાં છવાયો દિવાળી જેવો આનંદનો માહોલ : ફ્રાન્સ સામે ફાઇનલ મેચમાં ટકરાશે ક્રોએશિયા access_time 2:19 am IST

  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST

  • સુપ્રિમ કોર્ટની દિલ્હીના LGને ફટકાર...કહ્યું તમે ખુદને સુપરમેન ગણો છો? access_time 3:57 pm IST