Gujarati News

Gujarati News

News of Wednesday, 12th May 2021

વિરૂષ્કાએ કોરોના રાહત ફંડ માટે પાંચ કરોડ ભેગા કર્યા

દેશમાં કોરોનામાં સેલિબ્રિટિસ દ્વારા સહાયનો દોર : આ રકમ એનજીઓને આપશે, જેમાંથી જરુરિયાતમંદોને ઓક્સિજન, દવાઓ અને વેક્સિનેશન માટે મદદ કરાશે

નવી દિલ્હી, તા. ૧૨ : દેશમાં કોરોના સંક્રમણ વચ્ચે કોરોનાના દર્દીઓને મદદ કરવા માટે ટીમ ઈન્ડિયાના કેપ્ટન વિરાટ કોહલી અને તેની પત્ની અનુષ્કાએ શરુ કરેલા ડોનેશન કેમ્પેઈનમાં મોટી સંખ્યામાં લોકો જોડાયા છે.

વિરાટ અને અનુષ્કાએ જાહેર કર્યુ હતુ કે, અમારુ લક્ષ્ય સાત દિવસમાં સાત કરોડ રુપિયા એકઠા કરવાનુ છે. સુપર સ્ટાર દંપતિએ તેની શરુઆત પોતે બે કરોડ રુપિયા આપીને કરી હતી. જોકે હવે મોટી સંખ્યામાં લોકો તેમની સાથે જોડાઈ રહ્યા છે અને પાંચ જ દિવસમાં તેમણએ પાંચ કરોડ રુપિયા એકત્રિત કર્યા છે. હવે બે દિવસમાં આ ટાર્ગેટ પુરુ કરવા માટે તેમને બીજા બે કરોડ રુપિયાની જરુર છે.

આ રકમને વિરાટ તથા અનુષ્કા એક એનજીઓને આપશે.જેમાંથી જરુરિયાતમંદોને ઓક્સિદન, દવાઓ અને વેક્સીનેશન માટે મદદ કરવામાં આવશે.

ઉલ્લેખનીય છે કે, કોરોના સંક્રમણ વચ્ચે દેશમાં ચારે તરફ લોકો બેહાલ હોવાથી અનુષ્કા શર્માએ પોતાનો જન્મ દિવસ પણ સેલિબ્રેટ નોહોતો કર્યો. અનુષ્કાએ કહ્યુ હતુ કે, લોકો જીવ ગુમાવી રહ્યા છે ત્યારે સેલિબ્રેશન યોગ્ય નથી.

(9:48 pm IST)
  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST

  • પોરબંદરમાં આજે 21 મૃતદેહને અગ્‍નીસંસ્‍કાર કરાયો હતો જેમાં 4 કોરોનાનો પોઝીટીવ હોવાનું જાણવા મળે છે access_time 9:43 pm IST

  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST