Gujarati News

Gujarati News

News of Wednesday, 12th May 2021

ચીને બાંગ્લાદેશને કવાડમાં સામેલ ન થવા આપી ચેતવણી

જો તે ચીન વિરોધી સંગઠનમાં સામેલ થશે તો દ્વીપક્ષીય સંબંધોને માઠી અસર થઇ શકે તેમ હોવાના અપાયા સંકેત

નવી દિલ્હી તા. ૧૨ : કવાડને લઇને ચીનની બેચેની વધી રહી છે. એમ તો આ સંગઠનને લઇને કેટલીયે વાર નાખુશી વ્યકત કરી ચુકયુ છે. પરંતુ આ વખતે તેણે બાંગ્લાદેશને આમા સામેલ ન થવા ચેતવણી ઉચ્ચારી છે. જો બાંગ્લાદેશ આ ચીન વિરોધી ગઠબંધનમાં સામેલ થશે તો તેનાથી દ્વીપક્ષીય સંબંધોને નુકશાન પહોંચી શકે છે. તેમ જણાવ્યુ છે.

બાંગ્લાદેશમાં ચીન રાજદુત લી જીમીંગની આ અસમાન્ય ચેતવણી ચીનના રક્ષામંત્રી જનરલ વેઇફેંગની ઢાકા યાત્રાના કેટલાક અઠવાડીયા પછી સામે આવી છે. બાંગ્લાદેશના રાષ્ટ્રપતિ અબ્દુલ હામિદ સાથે મુલાકાત દરમિયાન જનરલ ફેંગને આ વાત પર જોર આપ્યુ હતુ કે બન્ને દેશોને દક્ષિણ એશિયાની બાહરી શકિતઓ દ્વારા સૈન્ય ગઠબંધન બનાવવા પ્રયાસોનો સાથે મળીને વિરોધ કરવો જોઇએ.

રાજકીય સંવાદદાતાઓએ એક સંગઠન દ્વારા અયાોજીત ડીઝીટલ બેઠકમાં લી એ કહેલ કે બાંગ્લાદેશ માટે ચાર દેશોની આ નાનકડી કલબ (કવાડ) માં સામેલ થવુ નિશ્ચિતરૂપથી ખરી વિચારધારા નહી હોય. કેમ કે એનાથી દ્વીપક્ષીય સંબંધોને મોટુ નુકશાન પહોંચી શકે છે.

ચીનના રાજદુતે આ વિવાદીત નિવેદન પર બાંગ્લાદેશના વિદેશ મંત્રી ડોકટર એ. કે. અબ્દુલ મોમીને જણાવેલ કે બાંગ્લાદેશ ગુટ નિરપેક્ષ તથા સંતુલિત વિદેશ નીતિનું અનુસરણ કરે છે એન એ ખુદ નક્કિ કરશે કે આ સિધ્ધાંતોને અનુરૂપ શું કરવું જોઇએ.

(11:38 am IST)
  • કેન્દ્ર સરકારને આડે હાથે લેતા, કોરોના રસીકરણ અંગે બોમ્બે હાઈકોર્ટે બુધવારે કહ્યું હતું કે, જો કેન્દ્ર સરકારે કેટલાક મહિના પહેલા વરિષ્ઠ નાગરિકો માટે ડોર-ટુ-ડોર રસીકરણ શરૂ કર્યું હોત, તો ઘણા જાણીતા વ્યક્તિઓ સહિત અનેક લોકોનો જીવ બચાવી શકાયો હતો. મુખ્ય ન્યાયાધીશ દિપાંકર દત્તા અને ન્યાયાધીશ જી.એસ. કુલકર્ણીની ખંડપીઠે કેન્દ્રને કહ્યું હતું કે, જ્યારે રસીકરણ કેન્દ્રોની મુલાકાત લેવામાં અસમર્થ વરિષ્ઠ નાગરિકોના જીવનનો પ્રશ્ન છે, ત્યારે ડોર-ટુ-ડોર રસીકરણ કાર્યક્રમ કેમ શરૂ કરાયો નથી? access_time 9:42 pm IST

  • પોરબંદરમાં આજે 21 મૃતદેહને અગ્‍નીસંસ્‍કાર કરાયો હતો જેમાં 4 કોરોનાનો પોઝીટીવ હોવાનું જાણવા મળે છે access_time 9:43 pm IST

  • બુધવારે દિલ્હી સહિત દેશના કોઈ ભાગમાં ઇદનો ચાંદ જોવા મળ્યો નથી, તેથી ઈદ-ઉલ-ફિત્રનો તહેવાર શુક્રવારે ઉજવવામાં આવશે અને 30 મુ અંતિમ રોજુ, ગુરુવારે થશે. ફતેપુરી મસ્જિદના શાહી ઇમામ મૌલાના મુફ્તી મુકર્રમે કહ્યું હતું કે ઈદનો ચાંદ દિલ્હી સહિત દેશના કોઈ પણ ભાગમાં જોવા મળ્યો નથી, તેથી ઇદનો તહેવાર 14 મે, શુક્રવારે ઉજવાશે. access_time 9:54 pm IST