Gujarati News

Gujarati News

News of Wednesday, 12th May 2021

ભાગલપુરઃ 'હેપ્પી હાઈપોકિસયા'નો ઉપાડોઃ ૭૫ દર્દીઓના મોત

નવી દિલ્હીઃ કોરોનાની બીજી લહેર દરમિયાન બિહારમાં હેપ્પી હાઈપોકિસયાના વધતા કેસોેએ ડોકટરોને ચિંતામા મુકી દીધા છે. ભાગલપુરના જવાહરલાલ નહેરૂ મેડીકલ કોલેજ અને હોસ્પીટલોના ડોકટરોના જણાવ્યા પ્રમાણે અહીં દાખલ ૭૫ કોરોના દર્દીઓના આનાથી મોત થયા છે. મોતને ભેટનાર દર્દીઓની ઉંમર ૨૩ થી ૪૫ વર્ષની વચ્ચે હતી. આ રોગમાં ઓકિસજનનું લેવલ ૩૦ ટકા કે તેથી ઓછુ થઈ જાય છે. દર્દીને ખબર પણ ન પડે. દર્દીને તર્તજ ઓકિસજન અને વેન્ટીલેટરની જરૂર પડે છે.

(10:56 am IST)
  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST

  • હરિયાણા પોલીસે મંગળવારે ખેડૂત આંદોલનમાં ભાગ લેવા આવેલી પશ્ચિમ બંગાળની એક મહિલા પર બળાત્કાર કેસમાં છ આરોપીઓને નોટિસ ફટકારી છે. આ કેસમાં રચાયેલી એસઆઈટીએ ખેડૂત નેતા અને સ્વરાજ ભારતના રાષ્ટ્રીય અધ્યક્ષ યોગેન્દ્ર યાદવ અને એક આરોપી મહિલાની પણ મંગળવારે સાંજ સુધી પૂછપરછ કરી હતી. આ કિસ્સામાં, સંયુક્ત કિસાન મોરચાના નેતાઓએ દાવો કર્યો હતો કે તેઓ આ જાતીય હુમલા અંગે અજાણ હતા. access_time 12:00 am IST

  • રાજકોટ એસટી બસપોર્ટ સહિત ડિવિઝનના ૩૦૦ બસ રૂટ ૧૮ મે સુધી બંધ રાખવા વિભાગીય કચેરીનો નિર્ણય : કુલ ૯ ડેપોના કુલ ૫૦૦ રૂટમાંથી ૨૦૦ રૂટ હાલ કાર્યરત access_time 11:29 am IST