Gujarati News

Gujarati News

News of Wednesday, 12th May 2021

આ વાયરસ ખતરનાક હોવાનો દાવો

ભારતનો કોવિડ-૧૯ વેરીયન્ટ વિશ્વના ૪૪ અન્ય દેશોમાં પણ મળ્યોઃ ડબલ્યુએચઓ

નવી દિલ્હી, તા. ૧૨ :. ભારતમાં મળેલા કોરોના વાયરસ વેરીયન્ટની પુષ્ટી વિશ્વના અનેક ડઝન દેશોમાં થઈ છે. વિશ્વ સ્વાસ્થ્ય સંગઠને આ માહિતી આપી છે. આ સંગઠનનું કહેવુ છે કે ભારતમાં ઝડપથી વધતા સંક્રમણના મામલાઓ પાછળ બી.૧.૬૧૭ વેરીયન્ટ જવાબદાર છે. ખાસ વાત એ છે કે ભારત ઉપરાંત બ્રિટનમાં આ વેરીયન્ટના સૌથી વધુ દર્દીઓ મળ્યા છે.

સંગઠનના કહેવા મુજબ કોવિડ-૧૯નો આ વેરીયન્ટ ૪૪ દેશોમાં જોવા મળ્યો છે. ભારતમાં પહેલીવાર તે ઓકટોબરમા મળ્યો હતો. આ પહેલા આ યાદીમાં બ્રિટન, બ્રાઝીલ અને દ. આફ્રિકામાં મળેલા કોરોનાના અન્ય વેરીયન્ટના નામ સામેલ હતા. જે વધુ ખતરનાક ગણાય છે, કારણ કે તે કાં તો ઝડપથી ફેલાય છે અથવા વેકસીન સુરક્ષાથી બચીને નિકળવામાં તે સક્ષમ છે.

૧૩૦ કરોડથી વધુ વસ્તીવાળો ભારત દેશ હાલ મહામારીથી ખરાબ રીતે પ્રભાવિત છે. ડબલ્યુએચઓનુ કહેવુ છે આ વેરીયન્ટ અમને ૫ અન્ય દેશોમાં પણ તેની મોજુદગીની આશંકાના રીપોર્ટ મળ્યા છે.

(10:56 am IST)
  • સંકટ સમયે અમેરિકા ભારત માટે મસીહા બન્યું : અત્યાર સુધીમાં કુલ 50 કરોડ ડોલરની સહાય સામગ્રી ભારતને મોકલાવી access_time 9:41 pm IST

  • કેટલાક રાજ્યો દ્વારા કોવિડ -19 રસીની અછતનાં અહેવાલો વચ્ચે સીરમ ઇન્સ્ટિટ્યૂટ અને ભારત બાયોટેકે આગામી ચાર મહિના માટે તેમની પ્રોડક્શન યોજના કેન્દ્રમાં સુપરત કરી છે. સત્તાવાર સૂત્રોએ બુધવારે જણાવ્યું હતું કે બન્ને કંપનીઓએ માહિતી આપી છે કે અનુક્રમે સીરમ ઇન્સ્ટિટ્યૂટ 10 કરોડ અને ભારત બાયોટેક 7.8 કરોડ રસીના ડોઝનું તેમનું ઉત્પાદન ઓગસ્ટ સુધીમાં વધારી દેશે. access_time 10:00 pm IST

  • હરિયાણા પોલીસે મંગળવારે ખેડૂત આંદોલનમાં ભાગ લેવા આવેલી પશ્ચિમ બંગાળની એક મહિલા પર બળાત્કાર કેસમાં છ આરોપીઓને નોટિસ ફટકારી છે. આ કેસમાં રચાયેલી એસઆઈટીએ ખેડૂત નેતા અને સ્વરાજ ભારતના રાષ્ટ્રીય અધ્યક્ષ યોગેન્દ્ર યાદવ અને એક આરોપી મહિલાની પણ મંગળવારે સાંજ સુધી પૂછપરછ કરી હતી. આ કિસ્સામાં, સંયુક્ત કિસાન મોરચાના નેતાઓએ દાવો કર્યો હતો કે તેઓ આ જાતીય હુમલા અંગે અજાણ હતા. access_time 12:00 am IST