Gujarati News

Gujarati News

News of Tuesday, 11th May 2021

સરકારની નવી ગાઇડલાઇન : એક રાજ્યમાંથી બીજા રાજ્યમાં જવા RTPCR ટેસ્ટ જરૂરી નથી

હોસ્પિટલમાંથી ડિસ્ચાર્જ મેળવવા સમયે આરટીપીસીઆર ટેસ્ટ્માંથી મુક્તિ

નવી દિલ્હી : કેન્દ્રીય આરોગ્ય મંત્રાલયે કોરોનાની તાજેતરની સ્થિતિ બાબતે મિડિયાને સંબોધતા કહ્યું હતું કે, રાજ્યોમાં પણ કોરોનાના એક કેસ ઘટી રહ્યા છે, 26 રાજ્યોમાં 15% પોઝિટિવ રેટ છે, જ્યારે 6 રાજ્યોમાં 5થી 15 ટકા કેસ છે, મધ્ય પ્રદેશ, ઉત્તરાખંડ, ઝારખંડ, તેલંગાણા, ચંડીગઢ, લદાખ, દમણ અને દીવ, લક્ષદીપ, અંદમાન નિકોબારમાં દરરોજ નોંધાતા કોરોના કેસમાં સતત ઘટાડો જોવા મળ્યો છે. સાથે સાથે મહારાષ્ટ્ર, ઉત્તર પ્રદેશ, આંધ્રપ્રદેશ, દિલ્હી, રાજસ્થાન, હરિયાણા, છત્તીસગઢ બિહાર અને ગુજરાતમાં પણ કોરાણા કેસ ગત ગત સપ્તાહની સરખામણીએ ઘટી રહ્યા છે.

 આરોગ્ય મંત્રાલય દ્વારા જણાવવામાં આવ્યું હતું કે હવે એક રાજ્યમાંથી બીજા રાજ્યમાં જવા માટે આરટીપીસીઆર ટેસ્ટ કરાવવાની જરૂર નથી. ઉપરાંત જો કોઈ દર્દી હોસ્પિટલમાંથી રિકવરી થઈને ડિસ્ચાર્જ થઈ રહ્યા હોય તો તેને આરટીપીસીઆર ટેસ્ટ કરાવવાની જરૂર નથી. એટલે કે હોસ્પિટલમાંથી ડિસ્ચાર્જ મેળવવા સમયે આરટીપીસીઆર ટેસ્ટ્માંથી મુક્તિ આપવામાં આવી છે. કોરાના સંકટ વચ્ચે દેશમાં વેક્સિનેશન પ્રોગ્રામ ચલાવવામાં આવી રહ્યો છે. જોકે હાલમાં સૌથી મોટી મુશ્કેલી એ છે કે, દેશમાં પૂરતી વેક્સિન ઉપલબ્ધ નથી. આ દરમિયાન વેક્સિનનો બીજો ડોઝ લેનાર રાજ્યોને સરકાર પ્રાથમિકતા આપે. બીજો ડોઝ લેવા માટે મોટી સંખ્યામાં લોકો રાહ જોઈ રહ્યા છે. તેને સૌથી પહેલાં જોવાની આવશ્યકતા છે.

(12:48 am IST)
  • હરિયાણા પોલીસે મંગળવારે ખેડૂત આંદોલનમાં ભાગ લેવા આવેલી પશ્ચિમ બંગાળની એક મહિલા પર બળાત્કાર કેસમાં છ આરોપીઓને નોટિસ ફટકારી છે. આ કેસમાં રચાયેલી એસઆઈટીએ ખેડૂત નેતા અને સ્વરાજ ભારતના રાષ્ટ્રીય અધ્યક્ષ યોગેન્દ્ર યાદવ અને એક આરોપી મહિલાની પણ મંગળવારે સાંજ સુધી પૂછપરછ કરી હતી. આ કિસ્સામાં, સંયુક્ત કિસાન મોરચાના નેતાઓએ દાવો કર્યો હતો કે તેઓ આ જાતીય હુમલા અંગે અજાણ હતા. access_time 12:00 am IST

  • કોરોના વાયરસના B.1.617 વેરિયન્ટને "ભારતીય સંસ્કરણ" કહેવાતા કેન્દ્રીય આરોગ્ય મંત્રાલયે બુધવારે કહ્યું હતું કે વિશ્વ આરોગ્ય સંગઠને (WHO) તેના દસ્તાવેજોમાં આ શબ્દ માટે ભારતીય શબ્દનો ઉપયોગ કર્યો નથી. મંત્રાલયે બી.1.617 વાયરસ વેરિયન્ટ માટે ભારતીય સંસ્કરણનો ઉપયોગ કરીને નિરાધાર અને પાયાવિહોણા મીડિયા અહેવાલોને નકારી કાઢ્યા છે, જેને માટે WHO એ તાજેતરમાં આ વેરિયન્ટને વૈશ્વિક ચિંતા કહી છે. access_time 9:53 pm IST

  • મંગળવારે બપોરે પશ્ચિમ બંગાળના જુદા જુદા ભાગોમાં તોફાન અને ભારે વરસાદને કારણે આઠ લોકોનાં મોત નીપજ્યાં હતાં. અધિકારીઓએ આ માહિતી આપી. હવામાન ખાતાના એક અધિકારીએ જણાવ્યું હતું કે વીજળી પડવાથી અને કલાકે 50 કિલોમીટરની ઝડપે થયેલ ધૂળના તોફાનને કારણે કોલકાતા, ઉત્તર 24 પરગણા, નાદિયા, મુર્શીદાબાદ, બાંકુરા, પૂર્વી બર્ધમાન, પશ્ચિમ મેદનીપુર, બીરભૂમ અને પુરૂલિયા જિલ્લામાં ભારે નુકસાન થયું છે. access_time 11:57 pm IST