Gujarati News

Gujarati News

News of Monday, 12th April 2021

ભારત પર કહેર બનીને તૂટી બીજી લહેર

દર મિનિટે ૧૧૭ નવા કેસ, દર કલાકે ૩૮ના મોત

ભારતમાં કોરોના વાયરસની બીજી લહેર કહેર બનીને તૂટી છે ત્યારે કોરોનાના નવા આંકડા ડરાવી રહ્યા છે

નવી દિલ્હી, તા.૧૨: દેશમાં કોરોના વાયરસની બીજી લહેરનો કહેર જોવા મળી રહ્યો છે. ભારતમાં પહેલી લહેરમાં પણ આટલી ઝડપે કેસ નહોતા વધી રહ્યા છે. કોરોનાના કહેરના મામલે ભારત આજે વિશ્વમાં બીજા નંબર પર પહોંચી ગયો છે ત્યારે ભારતમાં દરરોજ કોરોના વાયરસના દૈનિક કેસના આંકડામાં જોરદાર ઉછાળો જોવા મળી રહ્યો છે. આટલું જ નહીં, પહેલા કરતાં વધારે મોત કોરોના વાયરસની આ બીજી લહેરમાં થઈ રહ્યા છે. કોરોના વાયરસના કારણે છેલ્લા ૨૪ કલાકમાં રેકોર્ડબ્રેક ૯૦૪ લોકોના મોત થઈ ગયા છે જેના કારણે ચિંતામાં વધારો થઈ રહ્યો છે.

ભારતમાં દર કલાકે ૭૦૩૮ નવા કોરોના વાયરસના કેસ સામે આવી રહ્યા છે અને દર એક મિનિટે ૧૧૭. જયારે દર કલાકે ૩૮ લોકો પોતાના શ્વાસ કોરોના વાયરસના કારણે છોડી રહ્યા છે.

ભારતમાં કોરોના વાયરસની પહેલી લહેરમાં જયારે પિક આવી હતી ત્યારે પણ એક દિવસમાં ૯૭,૮૯૪ કેસ સામે આવ્યા હતા જયારે આજની તારીખમાં તેના કરતાં પણ ખૂબ વધારે કોરોના વાયરસના કેસ સામે આવી રહ્યા છે.

પહેલી લહેર અને બીજી લહેર વચ્ચે સરખામણી કરીએ તો આ વખતે કોરોના વાયરસના કારણે જીવ ગુમાવનાર લોકોની સંખ્યામાં સતત વધારો જોવા મળી રહ્યો છે. નિષ્ણાંતો માની રહ્યા છે કે કોરોના વાયરસનો કોઈ નવો સ્ટ્રેન છે જે ખૂબ જ સંક્રામક છે. 

ભારત પાસે અત્યારે કોરોના વાયરસની વેકિસન પણ છે અને દરરોજ લાખો લોકોને કોરોના વાયરસની રસીના ડોઝ આપવામાં આવી રહ્યા છે તેમ છતાં આ મહામારી રોકાવાનું નામ નથી લઈ રહી છે. ગુજરાત, મહારાષ્ટ્ર અને છત્તીસગઢ જેવા રાજયોમાં કોરોનાનો સૌથી વધારે કહેર જોવા મળી રહ્યો છે ત્યારે આ માહમરી કયાં રોકાશે તેને લઈને જનતા પણ ડરી ગઈ છે.

ભારતમાં એક દિવસમાં કોરોના વાયરસના ૧,૬૮,૯૧૨ નવા કેસ સામે આવ્યા છે જયારે ૭૫,૦૮૬ લોકો સાજા થયા છે અને ૯૦૪ લોકોએ પોતાના જીવ ગુમાવ્યા છે. આ આંકડા સરકારના સ્વાસ્થ્ય મંત્રાલય દ્વારા જાહેર કરવામાં આવ્યા છે.

(4:12 pm IST)
  • મહારાષ્‍ટ્રમાં ધો.૧૦ અને ૧૨ બોર્ડની પરીક્ષા મુલત્‍વી રહી : વિદ્યાર્થીઓનું આરોગ્‍ય એ જ અમારી પ્રાથમિકતા : મહારાષ્‍ટ્ર સ્‍ટેટ બોર્ડની ધો.૧૦ અને ૧૨ની પરીક્ષાઓ કોવિડ મહામારીના પ્રકોપને લઈને ઉદ્ધવ ઠાકરે સરકારે મુલત્‍વી રાખી : કહ્યુ કે તમારૂ આરોગ્‍ય એ જ અમારી સર્વોચ્‍ચ પ્રાથમિકતા access_time 5:04 pm IST

  • કોવિશીલ્ડ રસીથી દેશમાં અત્યાર સુધીમાં બ્લડ કલોટીંગના ૩ર૦ કેસો હોવાની આશંકા : વેલ્લોર મેડીકલ કોલેજના પ્રોફેસર ગગનદીપ access_time 1:55 pm IST

  • દેશમાં કોરોનાએ આડોઆંક વાળ્યો :એક્ટિવ કેસની સંખ્યા 12,58 લાખને પાર પહોંચી : રાત્રે 12 વાગ્યા સુધીમાં કોરોનાના નવા 1,60,694 કેસ નોંધાયા :કુલ કેસની સંખ્યા 1,36,86,086 થઇ :એક્ટિવ કેસ 12,58,906 થયા : વધુ 96,727 દર્દીઓ સ્વસ્થ થતા કુલ 1,22,50,440 સાજા થયા :વધુ 880 લોકોના મોત સાથે કુલ મૃત્યુઆંક 1,71,089 થયો : દેશમાં સૌથી વધુ મહારાષ્ટ્રમાં 51,751 નવા કેસ, ઉત્તર પ્રદેશમાં 13,604 કેસ, છત્તીસગઢમાં 13,576 કેસ , દિલ્હીમાં 11,491 કેસ અને કર્ણાટકમાં 9579 કેસ નોંધાયા: ગુજરાત અને મધ્યપ્રદેશમાં 6 હજારથી વધુ કેસ નોંધાયા access_time 1:14 am IST