Gujarati News

Gujarati News

News of Monday, 12th April 2021

સુશીલચંદ્રા બનશે નવા મુખ્ય ચૂંટણી કમીશ્નર : ૧૩મીએ નિવૃત થાય છે અરોરા

ઉત્તરપ્રદેશ અને પંજાબ સહિત પાંચ રાજ્યોમાં ચૂંટણીની જવાબદારી સંભાળશે

નવી દિલ્હી,તા. ૧૨: ચૂંટણી કમિશનર સુશીલચંદ્રા દેશના આગામી મુખ્ય ચૂંટણી કમિશનર રહેશે. સૂત્રોના જણાવ્યા અનુસાર રવિવારે સરકારે ચૂંટણી પંચના સૌથી મોટા પદ માટે તેમના નામની મંજૂરી આપી હતી. તેમનો હુકમ આવવાનો બાકી રહ્યો છે, જે કોઈપણ સમયે જાહેર થઈ શકે તેમ છે.૧૫ મે ૧૯૫૭ ના રોજ જન્મેલા સુશીલચંદ્રા ૧૯૮૦ બેચના આઈઆરએસ અધિકારી છે. તેણે આઈઆઈટી રૂરકીથી બીટેક અને દહેરાદૂનથી એલએલબી કર્યું હતું. મુખ્ય ચુંટણી કમિશનર સુનિલ અરોરા નિવૃત્ત્। થયાના એક દિવસ પછી, ચંદ્રા ૧૩ એપ્રિલના રોજ તેમનું પદ સંભાળશે. તેઓ ૧૪ મે, ૨૦૨૨ સુધી આ પદ સંભાળશે. ચંદ્રને ૧૪ ફેબ્રુઆરી ૨૦૧૯ ના રોજ લોકસભાની ચૂંટણી પહેલા ચૂંટણી કમિશનર તરીકે નિમણૂક કરવામાં આવી હતી.

ચંદ્રના કાર્યકાળ દરમિયાન, ચૂંટણી પંચ ગોવા, મણિપુર, ઉત્ત્।રાખંડ, પંજાબ અને ઉત્ત્।ર પ્રદેશમાં વિધાનસભાની ચૂંટણીઓ યોજશે. આવતા વર્ષે માર્ચથી મે દરમિયાન આ રાજયોમાં વિધાનસભાની મુદત પૂરી થશે. ઉત્ત્।ર પ્રદેશ વિધાનસભાનો કાર્યકાળ ૧૪ મેના રોજ સમાપ્ત થવાનો છે.

મતદાન પેનલમાં જોડાતા પહેલા સુશીલ ચંદ્રા સેન્ટ્રલ બોર્ડ ઓફ ડાયરેકટ ટેકસ (સીબીડીટી) ના અધ્યક્ષ હતા. ટી.એસ.કૃષ્ણમૂર્તિ પછી ચૂંટણી કમિશનર તરીકે નિમાયા તે પછી તેઓ બીજા આઈઆરએસ અધિકારી હતા. કૃષ્ણમૂર્તિની ૨૦૦૪ માં મુખ્ય ચૂંટણી કમિશનર તરીકે નિમણૂક કરવામાં આવી હતી.

(9:57 am IST)
  • કોંગ્રેસ મહાસચિવ પ્રિયંકા ગાંધીએ સીબીએસઇ બોર્ડની પરીક્ષાઓ રદ કરવા કહ્યું access_time 1:54 pm IST

  • લોકડાઉનના ડરના કારણે સૌરાષ્ટ્રવાસીઓ અને પરપ્રાંતીયોએ સુરતથી પોતાના વતન તરફ દોટ મૂકી access_time 4:51 pm IST

  • મમતા બેનર્જીના પ્રચાર માટે જલપાઇ ગુડીમાં સાંસ્કૃતિક કાર્યક્રમ access_time 3:02 pm IST