Gujarati News

નવી દિલ્હી તા. ૧૨ : નોકરી કરનારા વર્ગને દર વર્ષે ફેબ્રુઆરી મહિનો આવતાં જ ઈન્ક્રીમેન્ટની આશા રહે છે. આમ તો આ દર વર્ષે મળે છે પણ ગયા વર્ષના કોરોના મહામારીના કરાણે અનેક કંપનીઓ આ વર્ષે ઈન્ક્રીમેન્ટ આપી રહી નથી. જેના કારણે આ વર્ષે આ ખાસ વર્ગમાં સામેલ લોકોને માટે સારા સમાચાર આવ્યા છે. તેમને મોટું ઈન્ક્રીમેન્ટ મળી શકે છે.

સારી વાત એ છે કે એક કંપનીએ કહ્યું કે આ વર્ષે તે તમારી સેલેરીમાં વધારો કરી શકે છે. વિલિસ ટાવર્સ વાટસને કહ્યું છે કે કંપનીઓ ઈન્ક્રીમેન્ટ આપવાની તૈયારીમાં છે. આ વર્ષે લગભગ ૬.૪ ટકા વેતન વધારો આપી શકે છે. ગયા વર્ષના કરતા પણ આ વધારો સારો છે.

વિલિસ ટાવર્સ વાટસન ફર્મે કહ્યું કે ભારતીય કંપનીઓએ ગયા વર્ષે ૫.૯ ટકાનું ઈન્ક્રીમેન્ટ આપ્યું હતું. આ વર્ષે બજાર આશાવાદી બન્યું છે અને કોરોના મહામારી બાદ રસ્તા પર પરત આવી રહ્યું છે. આ કારણે કંપનીઓ પોતાના કર્મચારીઓને ઈન્ક્રીમેન્ટ આપવાથી પાછી પાની કરશે નહીં.

વિલિસ ટાવર્સ વાટસનના આધારે આ વર્ષે કંપનીઓ સ્કિલ્ડ લોકો પર વધારે રૂપિયા ખર્ચ કરી રહી છે. તેઓએ કહ્યું કે બજાર હજુ પાટા પર આવી રહ્યું છે. આ સમયે કંપનીઓ સામે આ ચેલેન્જ સમાન છે. એવામાં કંપનીઓ જૂના સ્ટાફને સાથે રાખવા ઈચ્છે છે અને આ માટે થોડા રૂપિયા ખર્ચ કરવા માટે તૈયાર છે.

ફર્મના જણાવ્યા અનુસાર હાઈ ટેકનોલોજી, ફાર્માસ્યૂટિકલ્સ, કન્ઝયુમર પ્રોડકટ, રિટેલ પ્રોડકટમાં વધારો સામાન્યથી વધારે છે. આ ગ્રૂપમાં લગભગ ૮ ટકા સુધી ઈન્ક્રીમેન્ટ મળી શકે છે. ફાયનાન્શિયલ સર્વિસ, મેન્યુફેકચરિંગ સેકટરમાં લગભગ ૭ ટકા અને બીપીઓ સેકટરમાં ૬ ટકા વધારો થઈ શકે છે. એનર્જી સેકટરમાં વધારો સૌથી ઓછો એટલે કે ૪.૬ ટકા થવાની શકયતા છે.