Gujarati News

Gujarati News

News of Tuesday, 12th February 2019

ભારતીય સરહદ ઉપર ચીનની સતત હિલચાલ

અરૂણાચલ પ્રદેશમાં ઇન્ડો-તિબેટ બોર્ડર ઉપર મોટો સળવળાટઃ તાકિદે ૯ બટાલિયન મંગાવી

 નવી દિલ્હીઃ અરૂણાચલ પ્રદેશને અડીને આવેલ ચીન સરહદ પર ચીની સૈનિકોની તરફથી ઘૂસણખોરીને કાબૂમાં લેવા માટે ઇન્ડો-તિબેટ બોર્ડર પોલીસ ફોર્સ (ITBP)એ ગૃહમંત્રાલય પાસે વધુ ૯ બટાલિયનોની માંગણી કરી છે. ભારત ચીન સરહદ પર ભારતીય સેનાની સાથે લેહથી લઇ અરૂણાચલ પ્રદેશ સુધી આઇટીબીપીના જવાન તૈનાત છે. ચીની સૈનિક છેલ્લાં કેટલાંક સમયથી લેહથી લઇ ઉત્ત્।રાખંડના બારોહોતી અને અરૂણાચલ પ્રદેશમાં ઘૂસણખોરી કરતા રહ્યા છે. અરૂણાચલ પ્રદેશમાં આઇટીબીપીની એક પોસ્ટ પરથી બીજી પોસ્ટનું અંતર કેટલીય જગ્યાઓ પર ૧૦૦ કિલોમીટરથી પણ વધુ છે. એવામાં ચીની સૈનિકોની ઘૂસણખોરીની માહિતી યોગ્ય સમય પર મળતી નથી.

પહાડ અને જંગલ વિસ્તારોમાં પેટ્રોલિંગ કરવું સરળ નથી હોતું અને કેમ્પની વચ્ચે કેટલાંય કિલોમીટરના અંતરથી સમસ્યા પણ વધુ જાય છે.

થોડાંક દિવસ પહેલાં દેશની પૂર્વી સરહદ પર ચીની સૈન્યનો જમાવડો થતા ચિંતા વધવાની વચ્ચે સરકારે સામરિક રીતે મહત્વ ધરાવતી ભારત તિબેટ સીમા પોલીસ (આઇટીબીપી) કમાનને ચંદીગઢથી જમ્મુ-કાશ્મીરમાં લેહ મોકલવાનો આદેશ હતો. આઇટીબીપીને લદ્દાખના આઠ હજારથી ૧૪૦૦૦ ફૂટ ઊંચા બર્ફીલા પહાડો પર ૪૦ સરહદ ચોકીની સ્થાપના કરવાની મંજૂરી છે, જયાં તાપમાન શૂન્યથી ૪૦ ડિગ્રી સેલ્સિયસ નીચે સુધી જાય છે. આ ચોકીઓમાં મોસમ નિયંત્રણ તંત્ર અને અન્ય સુવિધાઓ હશે.

અત્યાર સુધી લેહમાં આઇટીબીપીનું એક સેકટર પ્રતિષ્ઠાન છે, જેનું નેતૃત્વ ડીઆઈજી રેન્કના એક અધિકારી કરે છે. તેના અંદાજે ૯૦૦૦૦ કર્મીઓ   પેંગોંગ તળાવની દેખરેખ રાખે છે, અને ચીન પાસેથી પસાર થનાર હિમાલયી પર્વતીય શ્રૃંખલાની ઉપરના ભાગ પર પણ નજર રાખે છે.  (૪૦.૬)

(1:35 pm IST)
  • દેશમાં કરન્સી સરકયુલેશન પહોંચ્યુ રૂ. ર૦.૬પ લાખ કરોડઃ નોટબંધી પૂર્વે હતું રૂ. ૧૭.૯૭ લાખ કરોડ: દેશમાં રોકડનું સરકયુલેશન નવી ઉંચાઇએ પહોંચ્યુ છે. નોટબંધી પૂર્વ ચલણમાં રોકડ રૂ. ૧૭.૯૭ લાખ કરોડ હતી જે ૧૮ જાન્યુ. ર૦૧૯ના રોજ રૂ. ર૦.૬પ લાખ કરોડની નવી ઉંચાઇએ પહોંચી ગયું છે. access_time 11:17 am IST

  • સાગરદાણના ભાવમાં વધારો : દુધ સાગર ડેરીએ સાગરદાણના ભાવમાં વધારો કર્યોઃ સાગરદાણના ભાવ ૧૧૦૦થી વધારીને ૧૧૫૦ કરાયાઃ ૭૦ કિલોની સાગરદાણ બોરીમાં રૂ.૫૦નો ભાવવધારો કરાયોઃ ભાવ વધારો આજથી લાગુ થશે access_time 11:12 am IST

  • રાજકોટ : સિટીબસ,BRTS બસના ડ્રાઈવર અને કંડકટર સામે RMCની લાલઆંખ :વિજિલન્સ દ્વારા 22 બસમાં કર્યું સરપ્રાઈઝ ચેકીંગ :ટિકિટ નહીં આપનારા 5 કંડકટરને કાયમી સસ્પેન્ડ કરાયા:મોડી ટિકિટ આપનાર 5 કંડકટરને 7 દિવસ માટે અને 11 કંડકટરોને 10 દિવસ માટે કર્યા સસ્પેન્ડ access_time 12:24 am IST