Gujarati News

Gujarati News

News of Tuesday, 12th February 2019

સાઉદી પ્રિન્સની મુલાકાત પહેલા પાંચ ટ્રક ભરીને તેમની વ્યકિતગત વસ્તુઓ ઇસ્લામાબાદ પહોંચી

સાઉદી પ્રિન્સના સહાયકો તેમજ તેના સ્ટાફ માટે ઇસ્લામાબાદની ટોચની બે હોટલ બુક કરવામાં આવીઃ જીમના સાધનો અને ફર્નિચર સહિતનો સામાન પાકિસ્તાન પહોંચ્યો

ઇસ્લામાબાદ તા. ૧૨ : સાઉદીના પ્રિન્સ મોહમ્મદ બીન સલમાનની પાકિસ્તાન મુલાકાત પહેલા તેનો પાંચ ટ્રક ભરીને સામાન ઇસ્લામાબાદ પહોંચી ગયો છે. સાઉદી પ્રિન્સ બે દિવસથી પાકિસ્તાનની મુલાકાતે આવી રહ્યા છે. બે દિવસની મુલાકાત દરમિયાન બંને દેશ વચ્ચે અનેક કરારો થવાની શકયતા જોવામાં આવી રહી છે.

સાઉદી પ્રિન્સ આ અઠવાડિયે પાકિસ્તાન આવી પહોંચી તેવી શકયતા છે. જોકે, સુરક્ષાના કારણોસર તેની પાકિસ્તાન મુલાકાતની તારીખ હજી સુધી જાહેર કરવામાં આવી નથી.

પાકિસ્તાનના વર્તમાનપત્ર ડોન ન્યૂઝના જણાવ્યા પ્રમાણે ક્રાઉન પ્રિન્સના આગમન પહેલા તેની વ્યકિતગત વસ્તુઓ જેવી કે જીમના સાધનો, ફર્નિચર સહિતની પાંચ ટ્રક ભરીને વસ્તુઓ ઇસ્લામાબાદ પહોંચી ગઈ છે. ડોન ન્યૂઝ પેપરે સાઉદી દૂતાવાસના સૂત્રોના હવાલેથી આ માહિતી આપી હતી.

સાઉદી પ્રિન્સની સુરક્ષા ટીમ તેમજ તેના મીડિયા પ્રતિનિધિઓ પણ તેની મુલાકાત પહેલા પાકિસ્તાનના પાટનગર ઇસ્લામાબાદમાં પહોંચી ગયા છે. ક્રાઉન્સ પ્રિન્સ તરીકે મોહમ્મદ બીન સલમાનની પાકિસ્તાનની આ પ્રથમ મુલાકાત છે. આ પહેલા તેમણે સંરક્ષણ મંત્રી તરીકે પાકિસ્તાનની મુલાકાત લીધી હતી.

એવી શકયતાઓ વ્યકત કરવામાં આવી રહી છે કે સાઉદી પ્રિન્સ બે દિવસની મુલાકાત દરમિયાન વડાપ્રધાન નિવાસ્થાન ખાતે રોકાશે. જયારે તેના સ્ટાફ માટે ઇસ્લામાબાદની બે ટોચની હોટલો બુક કરવામાં આવી છે. જયારે બીજી બે હોટલ અડધી બુક કરવામાં આવી છે. પાકિસ્તાનની મુલાકાત દરમિયાન ક્રાઉન પ્રિન્સ પાકિસ્તાનના વડાપ્રધાન ઇમરાન ખાન અને આર્મીના અન્ય ઉચ્ચ નેતાઓ સાથે બેઠક કરશે.(૨૧.૧૩)

(1:33 pm IST)
  • રુચિરા કાબોજ ભૂટાનમાં ભારતની નવા રાજદૂત નિયુક્ત :આગામી દિવસોમાં સાંભળશે કાર્યભાર :વરીષ્ઠ રાજનાયિક રુચિરા કાબોજને ભારતના રાજદૂત અતિકે ભૂટાનમાં નિયુક્ત કરાયા access_time 12:58 am IST

  • અમદાવાદ: રૂપિયા 260 કરોડ ઓનલાઇન છેતરપીંડીનો મામલો :CIDએ વધુ એક ગુનામાં ભાર્ગવી શાહને તપાસ માટે મિર્ઝાપૂર કોર્ટેમાં ટ્રાન્સફર વોરંટથી અટકાયતની કરી માગ : કોર્ટે ભાર્ગવી શાહની અટકાયત માટેનો આદેશો આપ્યો access_time 12:23 am IST

  • દિલ્હીમાં કેજરીવાલ દ્વારા વિપક્ષની મહારેલી :મમતા બેનર્જી,ચંદ્રાબાબુ નાયડુ સહિતના દિગજ્જ નેતાઓનો જમાવડો :આપના સંયોજક ગોપાલરાયે કહ્યું કે રેલીમાં મમતા બેનર્જી,ચંદ્રાબાબુ નાયડુ,પૂર્વ પીએમ એચડી દેવગૌડા,ફારુખ અબ્દુલ્લા અને એનસીપીના શરદ પવાર સહિતના વિપક્ષી નેતા ભાગ લેશે access_time 1:06 am IST