Gujarati News

Gujarati News

News of Tuesday, 12th February 2019

બંગાળની ખાડીમાં ભૂકંપના આંચકા : ચેન્નાઇ સુધી ધણધણાટી

લોકો ઘરની બહાર દોડી ગયા :દરવાજા અને બારીઓ હલવા લાગી

ચેન્નઇમાં મંગળવાર સવારે ભૂકંપના આંચકા અનુભવાયા. આ ભૂકંપનું કેન્દ્ર બંગાળની ખાડીમાં સપાટીથી 10 કિલોમીટર ઊંડે હતું. રિક્ટર સ્કેલ પર આ ભૂકંપની તીવ્રતા 5.1 માપવામાં આવી. તેના આંચકા ચેન્નઈ સુધી અનુભવાયા, જ્યાં ભૂકંપની તીવ્રતા 4.9 અનુભવાઈ. આ કારણે લોકો ડરી ગયા અને ઘરોથી બહાર ભાગી આવ્યા.

  ભૂકંપના આંચકા એટલા જોરદાર હતા કે દરવાજા અને બારીઓ હલવા લાગ્યા. આ ભૂકંપના કારણે જાનમાલના નુકસાનના કોઈ અહેવાલ નથી મળ્યા. સ્થાનિક વહીવટીતંત્રએ લોકોને હજુ થોડા સમય માટે ઘરોની બહાર રહેવાની સલાહ આપી છે.

  મળતી માહિતી મુજબ, બંગાળની ખાડીમાં મંગળવાર સવારે ભૂકંપના જોરદાર આંચકા અનુભવાયા. ચેન્નઈમાં જ્યારે લોકો ઘરોમાં કામ કરી રહ્યા હતા, ત્યારે લોકોને ભૂકંપના આંચકા અનુભવાયા. 5.1 તીવ્રતાનો ભૂકંપ એટલો જોરદાર હતો કે લોકોને લાગ્યું કે તેમના ઘરે હલી રહ્યા છે. લોકો તાત્કાલીક ઘરોથી બહાર આવી ગયા અને પાર્કમાં એકત્ર થઈ ગયા

(12:49 pm IST)
  • કેબિનેટ મંત્રી જયેશ રાદડિયાનું પોરબંદર લોકસભા બેઠકથી લડવા મુદ્દે નિવેદન :પક્ષ જેની પસંદગી કરશે તેને ચૂંટણીમાં વિજયી બનાવીશું : રાદડિયા પરિવારના સભ્યને ચૂંટણી લડાવવાની ચર્ચા : જયેશ રાદડિયા કે તેમના ભાઇ લલિત રાદડિયાને ભાજપ ઉતારી શકે છે મેદાનમાં access_time 12:28 am IST

  • બૈતૂલના ભાજપના સાંસદ જ્યોતિ ધુર્વનું જાતિ પ્રમાણપત્ર કેન્સલ ;વધી શકે છે મુશ્કેલી :જનજાતીય કાર્ય વિભાગની તપાસ સમિતિએ ધૂર્વનું અનુસૂચિત જનજાતિ પ્રમાણપત્ર રદ કરવા પરનો પ્રતિબંધ હટાવ્યો :એટલે કે જ્યોતિ ધુર્વ જનજાતીય વર્ગના નથી access_time 1:02 am IST

  • રાજકોટ : સિટીબસ,BRTS બસના ડ્રાઈવર અને કંડકટર સામે RMCની લાલઆંખ :વિજિલન્સ દ્વારા 22 બસમાં કર્યું સરપ્રાઈઝ ચેકીંગ :ટિકિટ નહીં આપનારા 5 કંડકટરને કાયમી સસ્પેન્ડ કરાયા:મોડી ટિકિટ આપનાર 5 કંડકટરને 7 દિવસ માટે અને 11 કંડકટરોને 10 દિવસ માટે કર્યા સસ્પેન્ડ access_time 12:24 am IST