Gujarati News

Gujarati News

News of Monday, 11th February 2019

ર૪ મીએ ખેડૂતોનાં ખાતામાં જમા થશે ર૦૦૦

પીએમ મોદી ગોરખપુરથી કરશે યોજનાનું ઉદ્ઘાટન

લખનૌ તા. ૧૧ :.. ઉત્તર પ્રદેશના મુખ્ય પ્રધાન યોગી આદિત્યનાથે કહયું છે કે ર૦૦૦ રૂપિયાનો પહેલો હપ્તો કેટલાક ખેડૂતોના ખાતામાં નાખવા માટે ઇલેકટ્રોનીકલી ટ્રાન્સફરનું કલીક બટન દબાવીને વડાપ્રધાન નરેન્દ્ર મોદી ર૪ ફેબ્રુઆરીએ ગોરખપુર ખાતેથી કિસાન સન્માન નીધિ યોજનાના શ્રી ગણેશ કરશે.

ગોરખપુરમાં ભાજપા કિસાન મોરચાનો રાષ્ટ્રિય કાર્યક્રમ આયોજીત કરાયો છે. ખેડૂતોની મહારેલીને મોદી સંબોધશે. જયારે પક્ષ પ્રમુખ અમિત શાહ ર૩ ફેબ્રુઆરીએ સંબોધન કરશે. પક્ષના એક નેતા અનુસાર આ કાર્યક્રમમાં પક્ષના લગભગ બધા નેતાઓ હાજર રહેશે.

મળેલા સમાચારો અનુસાર ઉતર પ્રદેશ સરકારે કિસાન સન્માન નિધી યોજનાના પોર્ટલ પર પાત્રતા ધરાવતા ખેડૂતોના નામ યુધ્ધના ધોરણે અપલોડ કરવાના આદેશ આપી દીધા છે.

ર૪ ફેબ્રુઆરીએ ઉત્તર પ્રદેશના કેટલાક ખેડૂતોને ર૪ ફેબ્રુઆરીએ પ્રથમ હપ્તો મળી જશે. ઉત્તર પ્રદેશમાં આયોજનાના સૌથી વધુ લાભાર્થીઓ છે (આખા દેશના ૧ર કરોડમાંથી ર કરોડ) કેન્દ્રએ રાજયોને આદેશ આપ્યા છે કે યોજનાના નેશનલ પોર્ટલ લાભાર્થીઓના નામ રપ ફેબ્રુઆરી પહેલા અપલોડ કરી દેવા જેથી યોજનાના અમલીકરણમાં સરળતા રહે. (પ-૧૮)

(11:31 am IST)
  • વિડીયો : આજે સવારે પોરબંદરના માધૂપુર ઘેડ ગામમાં અચાનક જ એક સિંહ ઘુસી આવતા અફરાતફરી મચી ગઇ હતી : સિંહને જોવા માટે લોકોની ભીડ જમા થઈ ગઈ હતી ગઈ હતી : બે લોકો પર સિંહે હુમલો કર્યાનું પણ જાણવા મળે છે (વિડીયો - સ્પીડ રિપોર્ટ) access_time 3:32 pm IST

  • દેશમાં કરન્સી સરકયુલેશન પહોંચ્યુ રૂ. ર૦.૬પ લાખ કરોડઃ નોટબંધી પૂર્વે હતું રૂ. ૧૭.૯૭ લાખ કરોડ: દેશમાં રોકડનું સરકયુલેશન નવી ઉંચાઇએ પહોંચ્યુ છે. નોટબંધી પૂર્વ ચલણમાં રોકડ રૂ. ૧૭.૯૭ લાખ કરોડ હતી જે ૧૮ જાન્યુ. ર૦૧૯ના રોજ રૂ. ર૦.૬પ લાખ કરોડની નવી ઉંચાઇએ પહોંચી ગયું છે. access_time 11:17 am IST

  • રાજકોટ : સિટીબસ,BRTS બસના ડ્રાઈવર અને કંડકટર સામે RMCની લાલઆંખ :વિજિલન્સ દ્વારા 22 બસમાં કર્યું સરપ્રાઈઝ ચેકીંગ :ટિકિટ નહીં આપનારા 5 કંડકટરને કાયમી સસ્પેન્ડ કરાયા:મોડી ટિકિટ આપનાર 5 કંડકટરને 7 દિવસ માટે અને 11 કંડકટરોને 10 દિવસ માટે કર્યા સસ્પેન્ડ access_time 12:24 am IST