Gujarati News

Gujarati News

News of Monday, 11th February 2019

પ્રિયંકાની એન્ટ્રીથી સપા - બસપા ઢીલાઢફઃ ગઠબંધન માટે તૈયારી : ૧૪ બેઠકોની કરી ઓફર

હાલ સપા - બસપાએ ૩૮-૩૮ બેઠકો વ્હેચી લીધી છે હવે બાંધછોડ માટે તૈયાર

લખનૌ તા. ૧૧ : પ્રિયંકા ગાંધીની રાજકારણમાં એન્ટ્રીથી ઉત્તર પ્રદેશના રાજકારણમાં એક નવો જ ટ્વિસ્ટ આવ્યો છે. સૂત્રો પાસેથી મળતી માહિતી પ્રમાણે ઉત્તર પ્રદેશમાં સમાજવાદી પાર્ટી અને બહુજન સમાજ પાર્ટીએ કોંગ્રેસ સાથે ગઠબંધન કરવા માટે પુનર્વિચાર કર્યો છે. કહેવામાં આવી રહ્યું છે કે બંને તરફથી કોંગ્રેસને ૧૪ બેઠકની ઓફર આપવામાં આવી છે. બીજી તરફ કોંગ્રેસ સાથે જોડાયેલા સૂત્રોનું કહેવું છે કે પાર્ટીને સપા અને બસપા તરફથી ઓછામાં ઓછી ૩૦ બેઠક મળવાની આશા છે.

નોંધનીય છે કે માયાવતી અને અખિલેશ યાદવે ૧૨મી જાન્યુઆરીના રોજ આગામી લોકસભાની ચૂંટણીને લઈને સપા અને બસપા વચ્ચે ગઠબંધનની જાહેરાત કરી હતી. બંને પાર્ટીઓએ ઉત્તર પ્રદેશની લોકસભાની બેઠકોમાંથી ૩૮-૩૮ બેઠક વહેંચી લીધી હતી. જયારે બે બેઠક તેમણે કોંગ્રેસ માટે છોડી દીધી હતી. આ બંને બેઠકમાં રાયબરેલી અને અમેઠીનો સમાવેશ થાય છે.

અમેઠી બેઠક પરથી રાહુલ ગાંધી જયારે રાયબરેલી બેઠક પરથી સોનિયા ગાંધી સાંસદ છે. કોંગ્રેસ સાથે બે બેઠક છોડ્યા બાદ બંનેએ એવી પણ સ્પષ્ટતા કરી હતી કે તે કોંગ્રેસ સાથે કોઈ જ ગઠબંધન નહીં કરે.

પ્રિયંકા ગાંધી વડ્રાને પૂર્વ ઉત્તર પ્રદેશની જવાબદારી મળ્યા બાદ પ્રદેશના રાજકારણમાં ભારે ફેરબદલ જોવામાં આવી રહી છે. સમાચાર આવ્યા હતા કે પ્રિયંકા ગાંધીની રાજકારણમાં એન્ટ્રી બાદ સપા અને બસપાએ પોતાની રણનીતિ બદલી છે. સમાચાર મળ્યા છે કે પ્રિયંકા ગાંધી ફેકટરની અસરની ગણતરી કર્યા બાદ જ મજબૂત હો તેવા જ ઉમેદવારને સપા અને બસપા ચૂંટણી લડાવશે.નોંધનીય છે કે કેન્દ્રમાં સરકાર બનાવવા માટે કોઈ પણ પાર્ટી માટે ઉત્તર પ્રદેશ મહત્વનું રાજય બની રહે છે. ગત લોકસભાની ચૂંટણીમાં ભારતીય જનતા પાર્ટીએ ઉત્તર પ્રદેશમાં ૮૦માંથી ૭૧ બેઠક જીતી હતી.(૨૧.૧૦)

(11:28 am IST)
  • રાજકોટ : ખૂબ વિવાદિત થયેલ સંવિધાન બચાવો ની કાલે રાજકોટમાં યોજાનારી રેલી અંગે સભાને આખરે પોલીસ તંત્રની મંજૂરી. શાસ્ત્રી મેદાન ખાતે યોજાશે સભા. સભા સ્થળ અંગે બે દિવસથી ચાલતી હતી ખેંચતાણ. અંતે શાસ્ત્રી મેદાન આપવા માટે તંત્ર તૈયાર. જડબેસલાક સુરક્ષા વ્યવસ્થા ગોઠવાશે. access_time 10:51 pm IST

  • ભૂપેન હઝારિકાના પુત્રએ ભારત રત્ન લેવા કર્યો ઇન્કાર :ભાઈએ કહ્યું હું તેમાં સહમત નથી :ભૂપેન હઝારિકાના મોટા ભાઈ સમર હઝારિકાએ કહ્યું કે ભારત રત્ન પાછો આપવાનો નિર્ણંય તેના પુત્રનો હોય શકે છે પરંતુ હું તેમાં સહમત નથી access_time 1:07 am IST

  • સુરત ટેક્ષટાઇલ માર્કેટમાં વડાપ્રધાન નરેન્દ્રભાઈ મોદીના ફોટાની પ્રિન્ટ વાળી સાડી લોકોમાં આકર્ષણનું કેન્દ્ર :લોકસભા ચૂંટણી પહેલા મોદી સાડીએ મચાવી ધૂમ access_time 12:26 am IST