Gujarati News

Gujarati News

News of Tuesday, 12th January 2021

હાથમાંથી મહેંદી પણ નહોતી ઉતરી ત્‍યાં તો નવવધૂ પ્રેમી સાથે લાખોના ઘરેણાં લઈને ભાગી ગઈ

યુવતીના પિતાએ જણાવ્‍યું કે મારી દીકરી લગ્નના ૧૮ દિવસ પછી તેના પ્રેમી સાથે ભાગી ગઈ અને સાથે રૂપિયા ૫ લાખના દાગીના તેમજ ૨૦ હજાર રૂપિયા રોકડા લઈ ગઈ છે

છતરપુર, તા.૧૨: એમપી (મધ્‍યપ્રદેશ)ના છતરપુર જિલ્લામાં એક નવવધૂ લગ્નના માત્ર ૧૮ દિવસ પછી પોતાના પ્રેમી સાથે લાખોના દ્યરેણાં લઈને ભાગી ગઈ. આ નવવધૂ થોડા દિવસ માટે પોતાના પિયર આવી હતી અને ત્‍યારબાદ ફરી સાસરે જવાનુ હતું તે દરમિયાન તે ગામમાં રહેતા પોતાના પ્રેમી સાથે ભાગી ગઈ.

મળતી માહિતી મુજબ, મધ્‍યપ્રદેશના છતરપુર જિલ્લાના એક ગામમાં રહેતી ૨૦ વર્ષીય યુવતીના ગયા મહિને ૬ ડિસેમ્‍બરે લગ્ન થયા હતા. લગ્ન બાદ બધું સામાન્‍ય ચાલી રહ્યું હતું, જયારે આ નવવધૂને તેના પિયર પક્ષથી તેડવા આવ્‍યા ત્‍યારે સાસરિયાએ ખુશીથી તેને પિયર જવાનું કહ્યું. પણ, તેઓને એ વાતનો સહેજ પણ અંદાજો નહોતો કે નવવધૂ હવે આ ઘરમાં ક્‍યારેય પરત નહીં આવે.

૬ ડિસેમ્‍બરે લગ્ન કરનાર યુવતી માત્ર ૧૮ દિવસ પછી ૨૪મી ડિસેમ્‍બરે તેના પ્રેમી સાથે ભાગી ગઈ. જયારે યુવતીના પતિ રાહુલને આ ઘટનાની જાણ થઈ ત્‍યારે તેણે હોબાળો મચાવ્‍યો અને તેના ઘરે જઈને કહ્યું કે મને કોઈપણ સંજોગોમાં મારી પત્‍ની અને ઘરેણાં પાછા જોઈએ છે.

પોતાના પ્રેમી સાથે ભાગી ગયેલી યુવતીના પિતાએ જણાવ્‍યું કે મારી દીકરી લગ્નના ૧૮ દિવસ પછી તેના પ્રેમી સાથે ભાગી ગઈ અને સાથે રૂપિયા ૫ લાખના દાગીના તેમજ ૨૦ હજાર રૂપિયા રોકડા લઈ ગઈ છે. હવે આ અંગે પોલીસમાં ફરિયાદ કરાઈ છે અને પ્રેમી સાથે ભાગી ગયેલી યુવતીને જલદી શોધી લાવવા માટે જણાવ્‍યું છે.

(1:25 pm IST)