Gujarati News

Gujarati News

News of Saturday, 12th January 2019

ટ્રમ્પની દિકરી ઈવાન્કાની વર્લ્ડ બેંકના આગામી અધ્યક્ષ તરીકે થઇ શકે છે નિમણુક

અધ્યક્ષ પદની રેસમાં ઇવાંકા સિવાય સંભવિત ઉમેદવારોમાં સંયુક્ત રાષ્ટ્રના પૂર્વ રાજદુત નિક્કી હેલી પણ સામેલ

 

અમેરિકાના રાષ્ટ્રપતિ ડોનાલ્ડ ટ્રમ્પની પુત્રી ઇવાંકા ટ્રમ્પ વર્લ્ડ બેન્કની આગામી અધ્યક્ષ બની શકે છે. ઇવાંકાનું નામ વર્લ્ડ બેન્કના અધ્યક્ષ પદની રેસમાં છે. ઇવાંકા હાલ વ્હાઇટ હાઉસની સલાહકાર છે અને તે વર્તમાન અધ્યક્ષ જિમ યોંગ કિમનું સ્થાન લઈ શકે છે. બીજા વર્લ્ડ વોર પછી 189 દેશોની બેન્ક અસ્તિત્વમાં આવી હતી. ત્યારથી આજ સુધી તેના બધા પ્રમુખો અમેરિકાના રહ્યા છે.

   રિપોર્ટ પ્રમાણે અધ્યક્ષ પદની રેસમાં ઇવાંકા સિવાય અન્ય સંભવિત ઉમેદવારોમાં સંયુક્ત રાષ્ટ્રના પૂર્વ રાજદુત નિક્કી હેલી પણ સામેલ છે.ગુરુવારે વર્લ્ડ બેન્ક બોર્ડે કહ્યું હતું કે આગામી મહિનાની શરુઆતમાં નવા લીડર માટે નોમિનેશન સ્વિકાર કરવામાં આવશે અને એપ્રિલ સુધી નવા અધ્યક્ષની નિમણુક કરી દેવામાં આવશે.

 વર્તમાન અધ્યક્ષ કિમ પહેલા અમેરિકી નોમિની હતા. જે 2012માં વર્લ્ડ બેન્ક પ્રેસિડેન્સ માટે ચૂંટણી લડ્યા હતા. બેન્કના બોર્ડે કહ્યું છે કે સિલેક્શન પ્રોસેસ ઓપન મેરિટ બેસ્ડ અને ટ્રાન્સપેરેન્ટ હશે. વાતનું ધ્યાન રાખવામાં આવશે કે નોન-અમેરિકન ઉમેદવારને સાઇડ-લાઇન કરવામાં આવે.

(10:06 pm IST)
  • વિદેશમંત્રી સુશ્રી સુષ્મા સ્વરાજ ઉઝબેકિસ્તાન જવા રવાના : સૌપ્રથમવાર યોજાયેલી બે દિવસીય ઇન્ડિયા - સેન્ટ્રલ એશિયા મિટિંગમાં ભાગ લેશે : સેન્ટ્રલ એશિયાના જુદા જુદા દેશોના વિદેશમંત્રીઓ જોડાશે access_time 8:07 pm IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST

  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST