Gujarati News

Gujarati News

News of Saturday, 12th January 2019

મુંબઇમાં સતત પાંચમા દિવસે બીએમસીના કર્મચારીઓની હડતાળ :બેઠક નિષફ્ળ :હજારો મુસાફરોને ભારે હાલાકી

મેયર,કમિશ્ર્નર અને શિવસેના પ્રમુખ ઉદ્ધવ ઠાકરે સાથે યુનિયન નેતાઓની બેઠકમાં કોઈ રસ્તો નહિ નીકળ્યો

મુંબઇમાં સતત પાંચમાં દિવસે પણ બીએમસીના કર્મચારીઓની હડતાળ યથાવત રહેતા હજારો મુસાફરોને ભારે હાલાકીનો સામનો કરવો પડી રહયો છે

   કર્મચારીઓની અચોક્કસ મુદ્દતની હડતાળને કારણે બેસ્ટની બસો બંધ રહેતા મુસાફરો પરેશાન છે કર્મચારીઓ ટ્રાન્સપોર્ટ બજેટને બીએમસીના બજેટ સાથે જોડવાની માંગણી કરી રહ્યા છે. પરંતુ આ મામલે યોજાયેલી બેઠક નિષ્ફળ રહેતા કર્મચારીઓની હડતાળ યથાવત છે.

મુંબઇના મેયર વિશ્વનાથ મહાદેશ્વરની ઉપસ્થિતિમાં મ્યુનિસિપલ કમિશનર અજય મહેતા. બેસ્ટના કમિશનર સુરેશકુમાર બાગડે તેમજ શિવસેના પ્રમુખ ઉદ્ધવ ઠાકરેએ યુનિયનના નેતાઓ સાથે બેઠક કરી હતી. પરંતુ સાત કલાક સુધી ચાલેલી મેરેથોન બેઠક બાદ પણ સમાધાનનો કોઇ રસ્તો ન નીકળતા હડતાળ યથાવત છે. બેસ્ટના કર્મચારીઓના અધ્યક્ષ શશાંક રાવે જણાવ્યું હતું કે બેસ્ટના બજેટને બીએમસીના બજેટ સાથે વિલય કરવાની માંગણી પર સહમતિ સધાઇ નથી. આથી આ હડતાળ ચાલુ રહેશે. તેમણે કહ્યું કે કર્મચારીઓની માંગણી મુદ્દે લેખિત આશ્વાસન પણ નથી આપવામાં આવ્યું.

(12:59 pm IST)
  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • દિલ્હી: નેશનલ ગ્રીન ટ્રિબ્યુનલે પ્રદૂષણ મામલે વાપી CETPને રૂ.૧૦ કરોડનો દંડ ફટકાર્યો : દંડની સાથે CETPએ બે કમિટી બનાવવાનો પણ આદેશ એનજીટીને કર્યો access_time 10:39 pm IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST