Gujarati News

Gujarati News

News of Saturday, 12th January 2019

પત્રકાર છત્રપતિની ગોળી મારીને હત્યા કરાઈ હતી

ડેરાના સમાચાર છાપી રહ્યા હતા

પંચકુલા, તા. ૧૧ : પત્રકાર રામચંદ્ર છત્રપતિ હત્યાકાંડમાં ગુરમિત રામરહીમને અપરાધી જાહેર કરવામાં આવ્યો છે. આ મામલાને યાદ કરવામાં આવે તો હત્યાનો આ કેસ ૧૬ વર્ષ જુનો છે. ડેરા પ્રમુખ ગુરમિત રામરહીમ આમા આરોપી તરીકે છે. વર્ષ ૨૦૦૨માં પત્રકાર રામચંદ્ર છત્રપતિની ગોળી મારીને હત્યા કરવામાં આવી હતી. છત્રપતિ પોતાના અખબારમાં ડેરા સાથે જોડાયેલા અહેવાલો પ્રકાશિત કરી રહ્યા હતા. પત્રકાર છત્રપતિના પરિવારના સભ્યોએ કેસ દાખલ કર્યો હતો. મોડેથી આને સીબીઆઈને સોંપવામાં આવ્યો હતો. સીબીઆઈએ ૨૦૦૭માં ચાર્જશીટ દાખલ કરી હતી જેમાં ડેરા પ્રમુખ ગુરમિત રામરહીમને હત્યાના કાવતરા રચવાના મામલામાં આરોપી ઠેરવવામાં આવ્યા હતા. રામચંદ્રને જાનથી મારી નાંખવાની અનેક વખત ધમકી આપવામાં આવી હતી. ૨૪મી ઓક્ટોબરના ૨૦૦૨ના દિવસે જેનો ડર હતો તે જ ઘટના બની હતી. સિરસાના સાંજના દૈનિક પુરા સચના એડિટર રામચંદ્ર છત્રપતિની હત્યા કરવામાં આવી હતી. તેમને ઘરની બહાર બોલાવીને પાંચ ગોળી મારવામાં આવી હતી.

(12:00 am IST)
  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST

  • પોતાને 'ડાકુ' કહેનાર જબલપુરની સરકારી શાળાના શિક્ષકને કોંગી મુખ્યમંત્રી કમલનાથએ માફ કર્યો : દરેકને વાણી સ્વાતંત્ર્યનો અધિકાર : તેમછતાં શિક્ષકનું કામ વિદ્યાર્થીઓના ઘડતરનું હોવાથી બોલવામાં વિવેક રાખવો જરૂરી હોવાની ટકોર કરી : શિક્ષકને પરત નોકરીમાં લઇ લેવા સૂચના આપી access_time 7:25 pm IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST