Gujarati News

Gujarati News

News of Friday, 11th January 2019

તીવ્ર વેચવાલી વચ્ચે સેંસેક્સ ૯૭ પોઇન્ટ ઘટ્યો : વેપારીઓ નિરાશ

ટીસીએસના શેરમાં બે ટકાથી વધુનો ઘટાડો નોંધાતા અફડાતફડી : સાપ્તાહિક આધાર પર સેંસેક્સમાં ૦.૮૮ ટકા અને નિફ્ટીમાં ૦.૬૩ ટકાનો વધારો થયો : નિફ્ટી ૨૭ પોઇન્ટ ઘટીને ૧૦૭૯૫ની નીચી સપાટી પર રહ્યો

મુંબઇ,તા. ૧૧ : શેરબજારમાં આજે સતત બીજા દિવસે મંદી રહી હતી. કારોબારના અંતે સેંસેક્સમાં વધુ ઘટાડો થયો હતો. આજે સેંસેક્સ ૯૭ પોઇન્ટ ઘટીને ૩૬૦૧૦ની સપાટીએ રહ્યો હતો જ્યારે નિફ્ટી ૨૭ પોઇન્ટ ઘટીને ૧૦૭૯૫ની નીચી સપાટીએ રહ્યો હતો. પસંદગીના બેંકિંગ, ઓટો મોબાઇલના શેર અને ટીસીએસના શેરમાં જોરદાર ઘટાડો રહ્યો હતો. સાપ્તાહિક આધાર પર બીએસઈ સેંસેક્સ ૦.૮૮ ટકા અને નિફ્ટી ૦.૬૩ ટકાના ઉછાળા સાથે બંધ રહ્યા હતા. બ્રોડર માર્કેટમાં બીએસઈ મિડકેપ ઇન્ડેક્સમાં શુક્રવારના દિવસે ૧૯ પોઇન્ટનો ઘટાડો રહેતા તેની સપાટી ૧૫૧૭૭ રહી હતી જ્યારે સ્મોલકેપ ઇન્ડેક્સમાં ૨૮ પોઇન્ટનો ઘટાડો રહેતા તેની સપાટી ૧૪૬૦૦ રહી હતી. ટીસીએસના શેરમાં આજે બે ટકાનો ઘટાડો રહ્યો હતો. ટીસીએસના શેરમાં ઘટાડો રહેવા માટે કેટલાક કારણો જવાબદાર રહ્યા હતા. ટીસીએસે તેના પરિણામો પણ આજે જાહેર કર્યા હતા. એફએમસીજીની મહાકાય કંપની આઈટીસીના શેરમાં ૧.૮૫ ટકાનો ઉછાળો નોંધાયો હતો. ડોલર સામે રૂપિયો નરમ રહ્યો હતો. તેલની કિંમતોમાં ફરીવાર સાપ્તાહિક આધાર પર સુધારો થયો છે. બ્રેન્ટ ક્રૂડની કિંમતમાં પ્રતિબેરલ ઘટાડો થતાં તેની કિંમત ૬૧.૫૯ ડોલર થઇ ગઇ છે. એફપીઆઈએ ૨૦૧૮માં ૮૩૦૦૦ કરોડ રૂપિયા પાછા ખેંચી લીધા છે. જ્યારે ૨૦૧૭માં રેકોર્ડ બે લાખ કરોડ રૂપિયા ઠાલવવામાં આવ્યા હતા. જુદા જુદા કારણો આના માટે જવાબદાર રહ્યા છે. ૨૦૧૮ પહેલા એફપીઆઈ દ્વારા સતત છ વર્ષમાં ઇક્વિટીમાં ખરીદી કરવામાં આવી હતી.આ વખતે નાણાં પરત ખેંચવામાં આવ્યા છે. ૨૦૧૧માં ભારતીય શેરબજારમાંથી એફપીઆઈએ નાણાં પરત ખેંચ્યા હતા. તે પહેલા ૨૦૦૮માં પણ વેચવાલીનો માહોલ રહ્યો હતો. ૨૦૧૮માં એફપીઆઈ શરૂઆતના ગાળામાં નાણાં ઠાલવ્યા  હતા પરંતુ વૈશ્વિક બજારમાં નબળી સ્થિતિ અને ઇક્વિટી મૂડીરોકાણ ઉપર લોંગ ટર્મ કેપિટલ ગેઇન ટેક્સના પરિણામ સ્વરુપે નાણાં પરત ખેંચવાની શરૂઆત થઇ હતી. માર્ચ મહિનામાં ટુંકી રિકવરી થયા બાદ આ વર્ષના મોટાભાગના ગાળામાં વેચવાલી રહી હતી. વર્ષ ૨૦૧૮માં બીએસઈ લિસ્ટેડ કંપનીઓની માર્કેટ મૂડી ઘટીને ૧૪૪૪૮૪૬૫.૬૯ કરોડ થઇ ગઇ હતી.  માર્કેટ મૂડીમાં ૭૨૫૪૦૧.૩૧ કરોડનો ઘટાડો થયો  હતો. સેંસેક્સમાં  વર્ષ ૨૦૧૮માં ૫.૯૧ ટકાનો ઉછાળો આવ્યો હતો. જ્યારે સેંસેક્સમાં ૫.૯૧ ટકાનો સુધારો આવ્યો હતો જ્યારે નિફ્ટીમાં ૩.૧૫ ટકાનો ઉછાળો રહ્યો હતો. સેક્ટરલ ઇન્ડેક્સમાં નિફ્ટી બેંક ઇન્ડેક્સમાં આ વર્ષ દરમિયાન ૬.૩૫ ટકાનો ઉછાળો આવ્યો  હતો.  બ્રોડર માર્કેટમાં બીએસઈ મિડકેપ ઇન્ડેક્સમાં ૧૩.૩૮ ટકાનો ઘટાડો રહ્યો હતો. સ્મોલકેપ ઇન્ડેક્સમાં ૨૫.૫૩ ટકાનો ઘટાડો રહ્યો  હતો. કારોબારના અંતે સેંસેક્સ ગુરુવારના દિવસે ફાઈનાન્સિયલ કાઉન્ટરોમાં વેચવાલી વચ્ચે તથા વૈશ્વિક બજારમાં મંદી વચ્ચે ઘટીને બંધ રહ્યો હતો. સેંસેક્સ આજે ૧૦૬ પોઇન્ટ ઘટીને ૩૬૧૦૭ની નીચી સપાટીએ રહ્યો હતો અને નિફ્ટી ઇન્ડેક્સ ૩૪ પોઇન્ટ ઘટીને ૧૦૮૨૨ની નીચી સપાટીએ રહ્યો હતો. બીએસઇ મિડકેપ ઇન્ડેક્સમાં ૧૫૧૯૬ અને સ્મોલકેપ ઇન્ડેક્સમાં ૧૪૬૨૮ની સપાટી રહી હતી.

(7:28 pm IST)
  • દિલ્હી: નેશનલ ગ્રીન ટ્રિબ્યુનલે પ્રદૂષણ મામલે વાપી CETPને રૂ.૧૦ કરોડનો દંડ ફટકાર્યો : દંડની સાથે CETPએ બે કમિટી બનાવવાનો પણ આદેશ એનજીટીને કર્યો access_time 10:39 pm IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • વિદેશમંત્રી સુશ્રી સુષ્મા સ્વરાજ ઉઝબેકિસ્તાન જવા રવાના : સૌપ્રથમવાર યોજાયેલી બે દિવસીય ઇન્ડિયા - સેન્ટ્રલ એશિયા મિટિંગમાં ભાગ લેશે : સેન્ટ્રલ એશિયાના જુદા જુદા દેશોના વિદેશમંત્રીઓ જોડાશે access_time 8:07 pm IST