Gujarati News

Gujarati News

News of Friday, 11th January 2019

ઇન્ફોસીસના નેટ પ્રોફિટમાં ૨૯.૬ ટકા સુધીનો ઘટાડો

શેરના બાયબેકની પણ કંપની દ્વારા જાહેરાત કરાઈ : બાયબેકનું કદ ૪૧૩૦ કરોડની આસપાસ રહી શકે છે

નવીદિલ્હી, તા. ૧૧ : આઈટીની મહાકાય કંપની ઇન્ફોસીસે આજે તેના વર્ષ ૨૦૧૯ના ત્રીજા ત્રિમાસિક ગાળાના પરિણામ જાહેર કર્યા હતા જેમાં તેના નેટ પ્રોફિટમાં ૨૯.૬ ટકાનો ઘટાડો થઇ ગયો છે. કંપનીએ નેટ પ્રોફિટનો આંકડો ગયા વર્ષના આજ ત્રિમાસિક ગાળામાં ૫૧૨૯ કરોડ દર્શાવ્યો હતો જેની સામે આ વખતે નેટ પ્રોફિટનો આંકડો ૩૬૦૯ કરોડ દર્શાવ્યો છે. કંપનીએ વચગાળાના ચાર રૂપિયાના ડિવિડન્ડની જાહેરાત કરી છે. અપેક્ષા મુજબ જ કંપનીએ શેરોના બાયબેકની પણ જાહેરાત કરી છે. કંપનીએ કહ્યું છે કે, તે ૧૦૩૨૫૦૦૦૦ ઇક્વિટી શેરની ફરીવાર ખરીદી કરશે. ઇક્વિટી શેર કંપનીના પેઇડઅપ કેપિટલ પૈકી ૨.૩૬ ટકાની આસપાસ છે. ૩૧મી ડિસેમ્બર ૨૦૧૮ના આંકડા મુજબ આ મુજબની વાત કરવામાં આવી છે. બાયબેકનું કદ ૪૧૩૦ કરોડ રૂપિયાનું રહી  શકે છે. માર્કેટ મૂડીની દ્રષ્ટિએ પ્રભુત્વ ધરાવનાર ઇન્ફોસીસના પરિણામ આજે જાહેર કરવામાં આવ્યા બાદ તેની અસર નવા કારોબારી સપ્તાહમાં પણ જોવા મળી શકે છે. આજે તેના શેરમાં ૨.૯ ટકાનો ઘટાડો થયો હતો. જો કે, બાયબેકની જાહેરાતથી ફાયદો થશે.

(7:27 pm IST)
  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST

  • બનાસકાંઠા : ભૂસ્તર વિભાગનો સપાટો :પાલનપુર, અંબાજીમાં રોયલ્ટી ચોરી કરતા વાહનો ઝડપાયા: તમામ વાહનમાલિકો સામે દંડની કાર્યવાહી કરાઈ access_time 10:45 pm IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST