Gujarati News

Gujarati News

News of Friday, 11th January 2019

ભાજપએ પૂર્વ-મુખ્ય્માંત્રીઓ શિવરાજસિંહ ચૌહાણ, રમણ સિંહ અને વસુંધરા રાજેની રાષ્ટ્રીય ઉપાધ્યક્ષપદે નિમણુક કરી : આ ત્રણેય પૂર્વ-મુખ્ય્માંત્રીઓને લોકસભાની ટીકીટ અપાય રહ્યાની જોર-શોરથી ચાલી રહેલી ચર્ચા

નવી દિલ્હી : ભાજપએ પૂર્વ-મુખ્ય્માંત્રીઓ શિવરાજસિંહ ચૌહાણ, રમણ સિંહ અને વસુંધરા રાજેની રાષ્ટ્રીય ઉપાધ્યક્ષપદે નિમણુક કરી છે. ભાજપમાં સંગઠન સ્તરે મોટો ફેરફાર સામે આવ્યો છે. બીજેપીએ ત્રણ રાજ્યોના પૂર્વ મુખ્યમંત્રીને સંગઠનમાં મોટી જવાબદારી આપી છે.

મધ્ય પ્રદેશના પૂર્વ સીએમ શિવરાજ સિંહ ચૌહાણ, છત્તીસગઢના પૂર્વ સીએમ ડો. રમન સિંહ અને રાજસ્થાનની પૂર્વ મુખ્યમંત્રી વસુંધરા રાજેને બીજેપીએ પાર્ટીના રાષ્ટ્રીય ઉપાધ્યક્ષ તરીકે નિમણુક કરી છે.

ત્રણેય રાજ્યોમાં મુખ્યમંત્રીઓની ખુરશી સંભાળનાર ત્રણેય નેતાને સંગઠનમાં આટલી મોટી જવાબદારી આપવી બીજેપીની ચૂંટણી રણનિતીનો મહત્વપૂર્ણ ભાગ માનવામાં આવે છે. કારણ કે ત્રણેય નેતા ઘણા અનુભવી છે અને રાજ્ય સરકાર ચલાવવાના દરેક દાવથી પરિચિત છે.

શિવરાજ સિંહ ચૌહાણ સતત ત્રણ વખત મુખ્યમંત્રી રહી ચૂક્યા છે. છત્તીસગઢના રમન સિંહ પણ સતત ત્રણ વખત રાજ્યના CM રહ્યા છે. વસુંધરા રાજે પણ રાજસ્થાનમાં બે વખત મુખ્યમંત્રી રહી ચુક્યા છે. આ સાથેજ એવું પણ જોર-શોરથી ચર્ચાય રહ્યું છે કે આ ત્રણેય પૂર્વ મુખ્યમંત્રીઓને લોકસભાની ટીકીટો ફાળવવામાં આવનાર છે.

(12:00 am IST)
  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:47 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST

  • વિદેશમંત્રી સુશ્રી સુષ્મા સ્વરાજ ઉઝબેકિસ્તાન જવા રવાના : સૌપ્રથમવાર યોજાયેલી બે દિવસીય ઇન્ડિયા - સેન્ટ્રલ એશિયા મિટિંગમાં ભાગ લેશે : સેન્ટ્રલ એશિયાના જુદા જુદા દેશોના વિદેશમંત્રીઓ જોડાશે access_time 8:07 pm IST