Gujarati News

Gujarati News

News of Friday, 11th January 2019

અરુણાચલ પ્રદેશમાં ભારત-ચીનની બોર્ડર પરથી શંકાસ્પદ શખ્શની ધરપકડ

સેનામાં ફોરવર્ડ બેઝમાં કુંભારનું કામ કરતો આરોપી દુબઈમાં કોઈ પાકિસ્તાની વ્યક્તિને સંવેદનશીલ માહિતી આપતો હતો.

 

અરુણાચલ પ્રદેશમાં ભારત-ચીનની બોર્ડર પરથી એક શખ્શની ધરપકડ કરવામાં આવી છે. અહેવાલ મુજબ વ્યક્તિ સેનામાં ફોરવર્ડ બેઝમાં કુંભારનું કામ કરતો હતો. વ્યક્તિની ઓળખાણ નિર્મલ રાય તરીકે કરવામાં આવી છે જે અંબિકાપુર ગામનો રહેવાસી છે.ગયા વર્ષે ઓક્ટોમ્બર મહિનાથી તે અંજાવ ગામમાં સેના માટે કુંભારનું કામ કરતો હતો.

   વ્યક્તિ પર સેના દ્વારા આરોપ લગાવવામાં આવ્યો છે કે તે દુબઈમાં કોઈ પાકિસ્તાની વ્યક્તિને સંવેદનશીલ માહિતી આપતો હતો. દુબઈમાં એક બર્ગરની દુકાનમાં કામ કરતી વખતે તે એક પાકિસ્તાનની જાસુસી એજન્સીના કોન્ટેક્ટમાં આવ્યો હતો.

  સુત્રોના જણાવ્યા પ્રમાણે નિર્મલને પાકિસ્તાની હેન્ડલસ દ્વારા છુપી રીતે ફોટા અને વિડીયો કેવી રીતે લેવા તેની ટ્રેનીગ પણ આપવામાં આવી હતી. ત્યારબાદ તે કુંભારનું કામ કરતો હતો અને સંવેદનશીલ માહિતીને દુબઈ સુધી પહોચાડતો હતો.

સેનાના જણાવ્યા પ્રમાણે નિર્મલ વોટ્સએપ અને વિડીયો કોલિંગ દ્વારા માહિતી પહોચાડતો હતો. સ્થાનિક પોલીસે મામલે નિર્મલની ધરપકડ કરીને તેના વિરુદ્ધ કેસ નોંધ્યો છે.

(12:00 am IST)
  • ગુજરાતના આરોગ્ય વિભાગના એડિશનલ ચીફ સેક્રેટરી પૂનમચંદ પરમારને થયો સ્વાઈન ફ્લૂ : હોસ્પિટલમાં ખસેડવામાં આવ્યા access_time 1:47 am IST

  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • મેઘાલય કેબિનેટમાં નાગરિકતા વિધેયક વિરુદ્ધ પ્રસ્તાવ પાસ ;ભાજપના ધારાસભ્યોએ પણ આપ્યું સમર્થન :મેઘાલય ડેમોક્રેટીક અલાયન્સ કેબિનેટે નાગરિકતા સંશોધન વિધેયકનો વિરોધ કરતા એક ઠરાવ પાસ કર્યો :ભાજપે મંત્રીમંડળના નિર્ણયનું સમર્થન કર્યું છે access_time 1:08 am IST