Gujarati News

Gujarati News

News of Wednesday, 11th December 2019

ભોપાલના ગુજરાતી અને જૈન સમાજે પ્રિ-વેડિંગ ફોટોશૂટ પર પ્રતિબંધ મૂકયો

વરઘોડામાં મહિલાઓના નાચવા પર પણ પ્રતિબંધ મૂકવામાં આવ્યો છે, સામાજીક સંસ્થાઓનો દાવો છે કે આ બધું સમાજના રીતરિવાજો વિરૂધ છે

ભોપાલ, તા.૧૧: મધ્યપ્રદેશના પાટનગર ભોપાલમાં વસતા જૈન અને ગુજરાતી સમાજે આજકાલ પોપ્યુલર બનેલા પ્રિ-વેડિંગશૂટ્સ તેમજ લગ્નની સંગીત સેરેમની માટે ડાન્સ શીખવા પુરુષ કોરિયોગ્રાફર પાસેથી કોચિંગ લેવા પર મનાઈ ફરમાવી છે. એટલું જ નહી, વરઘોડામાં મહિલાઓના નાચવા પર પણ પ્રતિબંધ મૂકવામાં આવ્યો છે. સામાજીક સંસ્થાઓનો દાવો છે કે આ બધું સમાજના રીતરિવાજો વિરુદ્ઘ છે.

સમાજના લોકોને મોકલવામાં આવેલા એક ઠરાવમાં આ પ્રકારના નિર્દેશ આપવામાં આવ્યા છે. ભોપાલ ગુજરાતી સમાજના પ્રમુખ સંજટ પટેલના જણાવ્યા અનુસાર આ નિર્દેશનો જે પણ ભંગ કરશે તેનો સમાજ બહિષ્કાર કરશે. તેમણે દાવો કર્યો છે કે આ નિર્ણયને સમાજના તમામ લોકોએ આવકાર્યો છે. તેમણે તો એમ પણ કહ્યું છે કે આ પ્રકારના નિયમ દેશના તમામ ગુજરાતી સમાજે લાગુ કરવા જોઈએ.

ભોપાલ જૈન સમાજના પ્રમુખ પ્રમોદ હિમાંશુ જૈને આ પગલું ધાર્મિક આગવાનોએ પ્રિ-વેડિંગશૂટ્સ તેમજ સંગીત સેરેમની માટે પુરુષો દ્વારા શિખવાડાતા ડાન્સ સામે વાંધો લેતા લેવામાં આવ્યું છે. તેમણે કહ્યું હતું કે, હવે જૈન સમુદાયમાં પ્રિ-વેડિંગ શૂટ નહીં થાય તેમજ પુરુષ કોરિયોગ્રાફરને લગ્ન પ્રસંગમાં દાખલ થવાની પણ અનુમતી નહીં અપાય.

ભોપાલ સિંધી પંચાયતના પ્રમુખ ભવનદેવ ઈસરાનીએ પણ ગુજરાતી તેમજ જૈન સમાજ દ્વારા લેવાયેલા આ પગલાંને પોતાનો ટેકો જાહેર કરી પોતાના સમાજની આગામી મિટિંગ માટે આ જ પ્રકારની દરખાસ્ત રજૂ કરવાની તૈયારી કરી લીધી છે. તેમનું કહેવું છે કે, આ બંને બાબતો પર પ્રતિબંધ મૂકવાની દરખાસ્ત તૈયાર છે, અને તે આગામી મિટિંગમાં રજૂ કરાશે. દ્યણીવાર આવી બાબતોને કારણે લગ્ન તૂટી જતાં હોય છે અને પરિવારોને સમાજમાં નીચાજોણું થતું હોય છે.

જો કે યુવાનોમાં આ પ્રતિબંધો સામે નારાજગીનો માહોલ છે. તેઓ તેના પર ફેરવિચારણા કરવા માટેની માગ કરી રહ્યા છે. એક યુવકે જણાવ્યું હતું કે, પ્રિ-વેડિંગ શૂટ્સ યાદોને સાચવી રાખવા માટે કરાતું હોય છે. જયારે કોઈની સાથે લગ્નની તારીખ નક્કી થઈ જ ગઈ હોય ત્યારે તેની સાથે પ્રિ-વેડિંગ શૂટ કરાવવામાં તકલીફ શું છે? તેના પર પ્રતિબંધ મૂકવો યોગ્ય નથી.

અન્ય એક યુવકે જણાવ્યું હતું કે દરેકને ઉજવણી કરવાનો હક્ક છે. આ સમસ્યા ખરેખર તો કેટલાક લોકોની વિચારસરણીને લગતી છે. સમાજના દરેક વ્યકિતને પોતાની રીતે પસંદગી કરવાની છૂટ હોવી જોઈએ. પ્રિ-વેડિંગ શૂટમાં એકબીજા પ્રત્યેનો પ્રેમ જ તો વ્યકત કરવાનો હોય છે.(૨૩.૨)

 

(10:14 am IST)
  • જીએસટી કાઉન્સીલે નિયુકત કરેલા રેવન્યુ બાબતના ઓફીસરોની એક મહત્વની બેઠક અત્યારે સાંજે પૂરી થઇ જેમાં આ અધિકારીઓએ ૫% જીએસટીનો સ્લેબ વધારીને ૮ % કરવાનો અને ૧૨ % જીએસટીનો સ્લેબ વધારીને ૧૫ ટકા કરવાની ભલામણ કરી છે (ન્યુઝ ફર્સ્ટ દ્વારા) access_time 5:27 pm IST

  • માનવ ભક્ષી દીપડાને ઠાર કરાયો : બગસરા નજીક ગૌશાળામાં શાર્પ શુટરોએ દીપડાને ઠાર કર્યો હોવાના અહેવાલ : છેલ્લા પાંચ દિવસના ઓપરેશન બાદ વન વિભાગને મળી સફળતા : access_time 7:55 pm IST

  • ગાંધીધામમાં ૨ દુકાનોમાંથી કરાઈ તસ્કરી:ભારતનગરમાં દુકાનોને બનાવાઈ નિશાન:અંદાજે ૨ લાખની તસ્કરી થયાનું અનુમાન:જનરલ સ્ટોર - મોબાઈલ શોપમાંથી ચોરી access_time 1:26 am IST