Gujarati News

નવી દિલ્હી તા. ૧૧ : ઇડીએઙ્ગPMLA કોર્ટમાં દાવો કર્યો હતો કે દિલ્હીનીઙ્ગએકસાઇઝ નીતિ જાહેર થવાના ઘણા સમય પહેલા કેટલાક દારૂ ઉત્પાદકોને લીક કરવામાં આવી હતી. દારૂના કોન્ટ્રાકટ માટે ૧૦૦ કરોડ રૂપિયાની લેવડદેવડ કરવામાં આવી હતી. તપાસમાં એ પણ બહાર આવ્યું છે કે ડિજિટલ પુરાવાને ભૂંસી નાખવાના ઈરાદાથી ત્રણ ડઝન મહત્ત્વના લોકોએ ૧૪૦થી વધુ મોબાઈલ ફોન એકસચેન્જ કર્યા હતા.
ઙ્ગતપાસ એજન્સીએ સ્પેશિયલ પ્રિવેન્શન ઓફ મની લોન્ડરિંગ એકટ કોર્ટમાં ફ્રેન્ચ લિકર કંપની પેર્નોડ રિકાર્ડના દિલ્હીના પ્રાદેશિક વડા બિનોય બાબુ અને પી શરથ ચંદ્ર રેડ્ડીની ધરપકડ બાદ જાણ કરી હતી. ઓરોબિંદો ફાર્મા લિ. EDએ દાવો કર્યો હતો કે પૂછપરછ દરમિયાન, આરોપીએ ખુલાસો કર્યો હતો કે પસંદગીના બિઝનેસ જૂથોને અનુચિત લાભ આપવા માટે અગાઉથી ૧૦૦ કરોડ રૂપિયાની લાંચ આપવામાં આવી હતી. તપાસ એજન્સીએ કહ્યું, આ લોકોમાં તમામ મુખ્ય આરોપીઓ, દારૂના વેપારીઓ, વરિષ્ઠ સરકારી અધિકારીઓ અને અન્ય શંકાસ્પદ સામેલ છે. એજન્સીએ કહ્યું કે તેની પાસે પુરાવા છે કે ગયા વર્ષે ૩૧ મેના રોજ કેટલાક દારૂ ઉત્પાદકોને પોલિસી લીક કરવામાં આવી હતી, જયારે તે બે મહિના પછી ૫ જુલાઈ, ૨૦૨૧ ના   રોજ જાહેર કરવામાં આવી હતી. EDએ આરોપ લગાવ્યો હતો કે બિનય બાબુએ દિલ્હીના દારૂ કૌભાંડમાં મુખ્ય ભૂમિકા ભજવી હતી અને અનૈતિક માધ્યમો દ્વારા બજારનો હિસ્સો મેળવવા માટે દારૂના વેપારી સમીર મહેન્દ્રુ અને અન્ય લોકો સાથે મળીને ઉત્પાદકો-હોલસેલર્સ-રિટેલરોની સાંઠગાંઠ રચી હતી.
રેડ્ડીની ભૂમિકા વિશે કોર્ટને જાણ કરતાં EDએ કહ્યું કે તે આ કેસના મુખ્ય લાભાર્થીઓમાંનો એક હતો. EDએ આરોપ લગાવ્યો હતો કે રેડ્ડીએ દિલ્હીની એકસાઇઝ પોલિસીમાં અનુચિત લાભ મેળવવા માટે વિવિધ ઉદ્યોગપતિઓ, રાજકારણીઓ સાથે સક્રિયપણે આયોજન અને કાવતરું ઘડ્યું હતું અને અન્યાયી બજાર પ્રથાઓમાં સામેલ હતા. તપાસ એજન્સીએ કહ્યું કે તેણે આ કેસમાં અત્યાર સુધીમાં ૧૬૯ શોધખોળ હાથ ધરી છે.
ઙ્ગતપાસ એજન્સીએ જણાવ્યું હતું કે, એવું પણ જાણવા મળ્યું છે કે દિલ્હીમાં છૂટક દુકાનો ખોલવા માટે દિલ્હી એકસાઈઝ અધિકારીઓ દ્વારા લાંચની માંગણી કરવામાં આવી હતી અને લેવામાં આવી હતી. એકસાઇઝ કેસમાં સંડોવાયેલા/શંકાસ્પદ ૩૪ મહત્વના વ્યકિતઓએ ડિજિટલ પુરાવાનો નાશ કરવાના હેતુથી સંબંધિત સમયગાળા દરમિયાન કુલ ૧૪૦ ફોન એકસચેન્જ કર્યા હતા.