Gujarati News

નવી દિલ્હી,તા.૧૧: બિહારમાં ભાજપે પોતાના દમ પર બાજી પલટી છે. મહાગઠબંધનની શરૂઆતી બઢત સમેટાઇ ગઇ છે. સત્તાારૂઢ એનડીએ ટ્રેંડમાં સ્પષ્ટ બહુમતની સાથે આગળ નિકળી ગઇ છે. જોકે એકાદ એકિઝટ પોલને બાદ કરતાં તમામે દાવો કર્યો હતો કે તેજસ્વી યાદવના નેતૃત્વમાં મહાગઠન દમદાર પ્રદર્શન કરતાં સત્તાામાં આવશે. પરંતુ હાલના ટ્રેંડને જોતાં એકિઝટ પોલ દમ વિનાનો સાબિત થયો અને એનડીએ એકવાર ફરી સત્તાામાં પરત ફરી શકે છે. આ દબદબો યથાવત રહેશે. આમ એટલા માટે કારણ કે બિહારની ચૂંટણીમાં આ વખતે સૌથી દમદાર પ્રદર્શન ભાજપ કરી રહ્યું છે.

બિહાર વિધાનસભા ચૂંટણીની ૨૪૩ સીટો માટે ચાલી રહેલી મતગણતરી ૨૩૦ સીટના ટ્રેંડ આવી ચૂકયા છે. મહાગઠબંધન અને એનડીએ વચ્ચે કાંટાની ટક્કર જોવા મળી રહી છે. કયારેક મહાગઠબંધન તો કયારેક એનડીએ આગળ થઇ રહ્યું છે. શરૂઆતમાં મહાગઠબંધને એનડીએ પર બઢત મેળવી હતી. એનડીએએ કમબેક કરતાં ૧૩૦ સીટો પર બઢત બનાવી લીધી છે. ટ્રેંડમાં પહેલીવાર એનડીએને બહુમત મળી ગયો છે. મહાગઠબંધન ૧૦૪ સીટોમાં સમાઇ ગઇ છે. મહાગઠબંધનમાં સામેલ કોંગ્રેસનું પ્રદર્શન ખરાબ છે. એટલા માટે મહાગઠન પોતાની બઢત ગુમાવતું જાય છે.

મહાગઠબંધનના પ્રમુખ ચહેરા તેજસ્વી યાદવ રાઘોપુર સીટ પરથી આગળ ચાલી રહ્યા છે. તેજસ્વી યાદવે ૧૦ લાખ લોકોને નોકરી આપવાનો વાયદો કર્યો હતો. તેમના મોટાભાઇ તેજપ્રતાપ યાદવ હવે હસનપુર સીટ પરથી પાછળ ચાલી રહ્યા છે. ૧૩૬૫ વોટથી તેજપ્રતાપ પાછળ ચાલી રહ્યા છે. જેડીયૂના રાજકુમાર સાથે તેમનો મુકાબલો છે. આ ઉપરાંત પૂર્ણિયા સદર વિધાસભા સીટ પરથી ભાજપના ઉમેદવાર વિજય ખેમકા ૧૬૬૩ વોટથી આગળ ચાલી રહ્યાછે. ધમદાહા વિધાનસભા પરથી જેડીયૂની લેસી સિંહ, કસબા વિધાનસભા પરથી કોંગ્રેસના અફાક આલમ વોટ, રૂપોલી વિધાનસભા પરથી જેડીયૂની બિમા ભારતી આગળ છે.

ઓવૈસીની પાર્ટી બે સીટો પર આગળ

બિહાર વિધાનસભા ચૂંટણી માટે ચાલી રહેલી મતગણતરીમાં અસુદ્દીન ઓવૈસીની પાર્ટી હાલ બે સીટો પર આગળ ચાલી રહી છે. બીએસપી એક સીટ પર બઢત બનાવી ચૂકી છે. એક અન્ય મહત્વપૂર્ણ તથ્ય એ છે કે વામ દળ ૧૪ સીટો પર બઢત મેળવી ચૂકી છે.