Gujarati News

Gujarati News

News of Wednesday, 11th September 2019

અમેરિકામાં ૧૫ ઓકટો.૨૦૧૯થી નવો પબ્લીક ચાર્જ રૂલ અમલી કરાશેઃ ટ્રમ્પ વહીવટી તંત્રની ઘોષણાં : ફેડરલ સહાય મેળવનાર ઇમીગ્રન્ટસનું કાયમી નાગરિકત્વ રદ કરી દેવાશેઃ ઓછામાં ઓછી વાર્ષિક આવક ૪૧ હજાર હશે તો જ ગ્રીન કાર્ડ માટે અરજી કરી શકાશેઃ નવી જોગવાઇ ગેરબંધારણીય તથા અમાનવીય હોવા બદલ ઠેર ઠેર દેખાવો સાથે કોર્ટમાં દાવો દાખલ

વોશીંગ્ટનઃ અમરિકામાં ટ્રમ્પ વહીવટી તંત્ર દ્વારા સૂચવાયેલા નવા પબ્લીક ચાર્જ રૂલ વિરૂધ્ધ ભારે ઉહાપોહ થઇ રહ્યો છે. આ નવા પબ્લીક ચાર્જ રૂલ મુજબ ઇમીગ્રન્ટસ એ જો ફેડરલ સહાય લીધી હશે તો તેઓનું યુ.એસ.નું કાયમી નાગરિકત્વ રદ થઇ જશે. આ સહાય શિક્ષણ, હેલ્થ સહિત કોઇપણ ક્ષેત્રે લીધી હોય તો તેઓનું નાગરિકત્વ રદ થવા પાત્ર ગણાશે તેવી જોગવાઇ કરવામાં આવી છે. જેનાથી દર વર્ષે એક મિલીયન જેટલા ઇમીગ્રન્ટસનું ગ્રીન કાર્ડ રદ થઇ જવાની ભીતિ સેવાઇ રહી છે.

૧૫ ઓકટો.૨૦૧૯થી અમલી બનનારા આ નવા પબ્લીક ચાર્જ વિરૂધ્ધ અમુક સ્ટેટ તથા ઓર્ગેનાઇઝેશન્શ દ્વારા લો સુટ ફાઇલ કરાયો છે તેથી કદાચ તેના અમલમાં વિલંબ થઇ શકે.

લો સુટમાં કરાયેલી રજુઆત મુજબ આ પબ્લીક ચાર્જ ગેરબંધારણીય તથા અમાનવીય છે. જેના વિરૂધ્ધ કેલિફોર્નિયાના કોંગ્રેસવુમન જયુડી ચુઇએ દેખાવો કરી વિરોધ નોંધાવ્યો છે તેવું સમાચાર સૂત્રો દ્વારા જાણવા મળે છે. ઉપરાંત નવા પબ્લીક ચાર્જની જોગવાઇ મુજબ ગ્રીન કાર્ડ માટે અરજી કરનાર કપલની વાર્ષિક લઘુતમ આવક ૪૧ હજાર ડોલર તથા પાંચ વ્યકિતના પરિવારની ૭૩ હજાર ડોલર હોવી જોઇએ તેવા પુરાવા આપવા જરૂરી છે.

(8:08 pm IST)
  • મોડીરાત્રે રાજકોટના પંચનાથ મંદિર પાસેના એક કોમ્પ્લેક્ષમાં આગ ભભૂકી : ત્રણથી ચાર લોકો કોમ્પ્લેક્ષમાં ફસાયા હોવાની આશંકા : લોકોના ટોળા ઉમટયા : ફાયરબ્રિગેડ દ્વારા આગ પર કાબુ મેળવવા પ્રયાસો access_time 12:30 am IST

  • કોંગ્રેસ નેતા ડીકે શિવકુમારની પુત્રી ઐશ્ચર્યાની મુશ્કેલી વધી : પૂછપરછ માટે ઇડીએ નોટિસ ફટકારી : કોંગ્રેસ વરિષ્ઠ નેતા અને ધારાસભ્ય ડીકે શિવકુમારને અગાઉ ઇડીએ નોટિસ ફટકાર્યા બાદ હવે તેની પુત્રીને પણ પૂછપરછ માટે નોટિસ access_time 1:05 am IST

  • દેશ યોગ્ય દિશામાં આગળ વધે છે : 73 ટકા ભારતીયોનું તારણ :માર્કેટ રિસર્ચ ફર્મ ઇપ્સોસ દ્વારા કરાયેલ સર્વેક્ષણમાં ભારતીયોએ માન્યું કે દેશની દિશા યોગ્ય : આ પહેલા જૂનમાં થયેલ સર્વેક્ષણમાં ત્રણ ટકાનો વધારો : ભારતમાં નિરાશાવાદના વૈશ્વિક વલણથી વિપરીત સ્થિતિ : ઓછમાં ઓછા 58 ટકા વૈશ્વિક નાગરિકો માને છે ને તેઓનો દેશ ખોટા રસ્તે છે ત્યારે ભારતમાં સ્થિતિ બહેતર હોવાનો સર્વેમાં દાવો access_time 1:12 am IST