Gujarati News

Gujarati News

News of Wednesday, 11th September 2019

જૂનાગઢમાં સનાતન ધર્મ સંમેલન બાદ પૂ. મોરારીબાપુ અને સ્વામિનારાયણ સંપ્રદાયના સંતો વચ્ચેના વિવાદનો સુખદ અંતઃ હનુમાનજીના ફોટા સાથે જય નિલકંઠ લખેલ મુગટ લોકોએ પહેર્યાઃ મોટી સંખ્યામાં સાધુ-સંતો અને કથાકારો ઉમટ્યા

જૂનાગઢ :. જૂનાગઢ ખાતે મળેલા સનાતન ધર્મ સંમેલન બાદ પૂ. મોરારીબાપુ અને સ્વામિનારાયણ સંપ્રદાયના સંતો વચ્ચેના વિવાદનો સુખદ અંત આવ્યો છે. તેમ પૂ. ઈન્દ્રભારતીબાપુએ જણાવ્યુ હતું. જૂનાગઢના મેયર ધીરૂભાઈ ગોહેલ અને સ્વામિનારાયણના સંતો તથા સનાતન ધર્મના સંતોની ઉપસ્થિતિમાં સમાધાનકારી વલણ અપનાવતા આ વિવાદનો અંત આવ્યો છે. જેમાં પૂ. ઈન્દ્રભારતીબાપુ, પૂ. કનીરામબાપુ, પૂ. રાજેન્દ્રદાસબાપુ, પૂ. જગજીવનદાસબાપુ, પૂ. લાલબાપુ સહિત સંતો-મહંતો તેમજ કથાકારો અને પૂ. મોરારીબાપુના સમર્થકો મોટી સંખ્યામાં ઉમટયા છે. જેમાં આવેલા ભાવિકોએ માથા ઉપર હનુમાનજીદાદાના ફોટા અને જય નિલકંઠ લખેલ મુગટ ધારણ કરેલા જોવા મળ્યા હતા. આવી રીતે પૂ. મોરારીબાપુને આપ્યુ હતું.   આ મુદ્દે જૂનાગઢના જાગીર આશ્રમના મહંત પૂ. ઈન્દ્રભારતીબાપુએ જણાવ્યુ હતુ કે, પૂ. મોરારીબાપુએ દુકાનદારી ચલાવતા લોકો સામે માફી ન માગવી જોઈએ. નિલકંઠ એ નિલકંઠ જ કહેવાય. પૂ. મોરારીબાપુ અમારા ધર્મ પ્રચારક છે. જૂનાગઢના પ્રેરણાધામ ભવનાથ ખાતે સનાતન ધર્મ સંમેલનનું પણ આયોજન કરવામાં આવ્યુ છે. તેમ જૂનાગઢના સૂર્ય મંદિરના પૂ. જગજીવનબાપુએ જણાવ્યુ છે. સનાતન ધર્મ સંમેલનમાં ગામેગામથી, તાલુકાઓમાંથી તેમજ જિલ્લામાંથી સમસ્ત સાધુ સમાજના આગેવાનો તથા સંતો ઉપસ્થિત રહ્યા હતા.(તસ્વીરઃ મુકેશ વાઘેલા-જૂનાગઢ)

(1:10 pm IST)
  • લશ્કરનો ટોપ આતંકી આસિફ ઠારઃકાશ્મીરમાં સુરક્ષાદળોને મોટી સફળતા : કાશ્મીરમાં સુરક્ષા દળોને મોટી સફળતા હાથ લાગી છે : લશ્કરનો ટોપ આતંકી આસિફને ઠાર કરવામાં આવ્યો : સોપોરમાં થયેલા આ એન્કાઉન્ટરમાં બે પોલીસ અધિકારી પણ ઇજા પહોંચી છે જાણવા મળી રહ્યું છે કે આતંકી આસિફ સોપોરમાં અનેક નાપાક ગતિવિધઓમાં સામેલ રહ્યા છે access_time 11:28 am IST

  • ૯/ ૧૧ હુમલાની ૧૮મી વરસી પર અફઘાનિસ્તાનમાં અમેરિકી દુતાવાસ પર હુમલો : અમેરિકામાં ૧૧ સપ્ટેમ્બર ૨૦૦૧ના રોજ થયેલા ત્રાસવાદી હુમલાના ૧૮ વર્ષ પૂર્ણ થવાના દિવસે અફઘાનિસ્તાનમાં અમેરિકી દુતાવાસ પર એક રોકેટ દ્વારા હુમલો કરવામાં આવ્યોઃ અધિકારીઓએ જણાવ્યું કે જાનમાલનું કોઇ નુકસાન નથી થયું. access_time 1:03 pm IST

  • બ્રાયન ટોલએ આર્ટિકલ 370 પર ભારતનું કર્યું સમર્થન : ગિલકિત ને બાલટિસ્તાનને ગણાવ્યો ભારતનો હિસ્સો : યુરોપીય આયોગના પૂર્વ નિર્દેશક બ્રાયન ટોલે જિનિવામાં કહ્યું કે આર્ટિકલ 370 હટાવવાથી કાશ્મીરના લોકોને સમાન આર્થિક અવસર મળશે : સરકારની માફક તેને પણ આશા છે કે કાશ્મીરીઓ માટે સારું પગલું સાબિત થશે access_time 1:19 am IST