Gujarati News

નવી દિલ્હીઃ લૉકડાઉન દરમિયાન ઠપ્પ પડેલી ઓટો ઈન્ડસ્ટ્રી એકવાર પરી ગતી પકડી રહી છે. હોન્ડા કાર ઈન્ડિયાએ પોતાની નવી પ્રીમિયમ હેચબેક જાઝના પ્રી-લોન્ચ બુકિંગની શરૂઆત કરી દીધી છે. તેની બુકિંગ ઓફલાઇન અને ઓનલાઇન બંન્ને રીતે કરાવી શકાય છે. કંપનીએ પોતાના નિવેદનમાં કહ્યું કે, હોન્ડા ઇન્ડિયાની ઓથારાઇઝ્ડ ડીલરશિપમાં જઈને 21,000 રૂપિયામાં આ કારનું એડવાન્સ બુકિંગ કરાવી શકો છે. આ કારનું બુકિંગ ઘરે બેસીને ઓનલાઇન પણ કરી શકો છો. તે માટે હોન્ડા ફ્રોમ હોમ પ્લેટફોર્મ આપવામાં આવ્યું છે. હોન્ડા કાર ઇન્ડિયા લિમિટેડ (HCIL)ની વેબસાઇટ પર જઈને 5 હજાર રૂપિયામાં નવા જાઝનું બુકિંગ કરાવી શકાય છે.

ક્યારે લોન્ચ થશે નવીJazz ?

નવી હોન્ડા જાઝ ક્યારે લોન્ચ થશે. કંપનીએ હાલ તેની કોઈ નક્કી તારીખ જણાવી નથી, પરંતુ કંપનીની યોજના આ મહિને લોન્ચ કરવાની છે. હોન્ડા કાર ઈન્ડિયાનું કહેવું છે કે માર્કેટિંગ-સેલ્સના વાઇસ પ્રેસિડેન્ટ અને ડાયરેક્ટર, રાજેશ ગોયલે કહ્યું કે, જાઝ આ મહિનાના અંત સુધીમાં લોન્ચ કરવાની યોજના છે. તેમનું કહેવું છે કે છેલ્લા ઘણા વર્ષોથી અમે જોયું કે જાઝ ગ્રાહકોમાં પેટ્રોલ એન્જીન તરણ વલણ ખુબ વધી રહ્યું છે. આ વલણને જોતા અમે નવા જાઝને ખાસ રીતે પેટ્રોલ એન્જીન મેનુઅલ અને CVT બંન્ને મોડલમાં લાવવાનો નિર્ણય લીધો છે. રાજેશ ગોયલે કહ્યુ કે, આ શાનદાર વલણ અને આગળ તહેવારોને જોતા અમે પ્રીમિયમ હેચબેક સેગમેન્ટમાં સારી માંગ જોઈ રહ્યાં છીએ. કંપનીનું કહેવું છે કે જાઝના વેચાણમાં 70% ભાગ CVT મોડલનો છે, ડીઝલ એન્જીનની માગમાં ઘણો ઘટાડો આવ્યો છે.

હોન્ડા જાઝમાં શું છે નવું?

નવી હોન્ડા જાઝને સ્પોર્ટી લુક આપવામાં આવ્યો છે. તેમાં બીએસ-6 કમ્પલાયન્ટ 1.2 લીટર પેટ્રોલ એન્જીન છે, જે મેનુઅલ અને વેરિએબલ ટ્રાન્સમિશન (CVT) બંન્નેમાં મળશે. નવી હોન્ડા જાઝમાં વન ટચ ઇલેક્ટ્રિક સનરૂફ આપવામાં આવ્યું છે. આ સિવાય ક્રૂઝ કંટ્રોલ, સ્માર્ટ એન્ટ્રી, પુશ સ્ટાર્ટ-સ્ટોપ સિસ્ટમથી કાર લેસ છે. આ બધા ફીચર્સ મેનુઅલ અને CVT બંન્ને મોડલમાં મળશે. નવી હોન્ડા જાઝનો મુકાબલો હ્યુંડઇ i20, મારુતિ સુઝુકી બલેના અને ટોયોટાની ગ્લાંઝા સાથે થશે.