Gujarati News

Gujarati News

News of Saturday, 11th August 2018

‘‘સુખી નિવૃત જીવન કેવી રીતે જીવશો?'': અમેરિકાના હયુસ્‍ટનમાં મળેલી ‘‘કલબ સિકસટી ફાઇવ'' મીટીંગમાં શ્રી વિજય શાહએ વર્ણવ્‍યા પાંચ સચોટ ઉપાયો

હયુસ્‍ટનઃ નિવૃતિનું આયોજન કેવી રીતે કરશો? ૬૫ વર્ષની ઉંમર પછી નાણાંકીય, કૌટુંબિક, તથા શારિરીક સંજોગો વચ્‍ચે સમય કેવી રીતે વિતાવશો? સિનીઓરોને નડતા આ સવાલોના  નિરાકરણ તથા તે માટેના સૂચનો તાજેતરમાં અમેરિકાના હયુસ્‍ટનમાં કલબ સિકસટી ફાઇવ'ના ઉપક્રમે યોજાયેલી ઓગસ્‍ટ માસની મીટીંગમાં શ્રી વિજય શાહએ રજુ કર્યા હતા. તથા ૫૦ વર્ષની ઉંમરે ૬૫ વર્ષની વય પછીનું નાણાંકીય આયોજન કરી લેવા જણાવ્‍યું હતું.

૩૦ વર્ષના વ્‍યવસાય ક્ષેત્રના અનુભવી, વડોદરાના વતની તથા ૧૯૯૬ની સાલથી અમેરિકામાં સ્‍થાયી થયેલા શ્રી વિજય શાહએ લખેલા પુસ્‍તક ડુ એન્‍ડુ  ટુ નોટ ઓફ રિટાયરમેન્‍ટ પ્‍લાનીંગમાં સુખી નિવૃત જીવન માટે નીચે દર્શાવેલા પાંચ ઉપાયો વર્ણવ્‍યા હતા. જે મુજબ (૧)તંદુરસ્‍તી જાળવી રાખો અને શુધ્‍ધ પાણી પીતા રહો (૨)વધુમાં વધુ ચાલવાનું રાખો (૩)તમારા જીવનસાથીની કાળજી લ્‍યો તથા તેમની સાથે ચાલવા જાવ (૪)પરિવારના લોકો ઉપર વધારે પડતા આધારિત ન રહો (૫) અને સૌથી છેલ્લી અને મુખ્‍ય વાત એટલે તમારી સંપતિ ઉપર તમારા પરિવારનો સૌપ્રથમ હકક છે. તેથી આ માટેનું વીલ બનાવો. જેમાં ગમે ત્‍યારે ફેરફાર પણ કરી શકાય છે.

તેમના સોનેરી સૂચનોથી પ્રભાવિત થયેલા સિનીઅરોએ વીલ વિષે વધુ જાણવા ઇંતેજારી દર્શાવી હતી. જે અંગે તેઓ આવતી મીટીંગ છણાંવટ કરશે. તેમ જણાવ્‍યું હતું તેવું IAN દ્વારા જાણવા મળે છે.

 

(8:54 pm IST)
  • યુપી સરકારનો મોટો નિર્ણય :દેવરિયા બાલિકાગૃહ કાંડમાં પોલીસની ભૂમિકાની પણ થશે તપાસ : ગોરખપુરના અપર પોલીસ મહાનિર્દેશક દાવા શેરપાને સોંપી તપાસ : સૂત્રો મુજબ અહીં માન્યતા રદ થયા છતાં બાલિકાગૃહમાં બાળકીઓને રાખવામાં આવતી હતી access_time 12:35 am IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST

  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST