Gujarati News

Gujarati News

News of Saturday, 11th August 2018

મોદી સરકાર ૧થી ૧૮ વર્ષની છોકરીઓને ૧૦ હજારનો ચેક આપી રહી છે?

સુકન્યા યોજનાનો મેસેજ વાઇરલ

નવી દિલ્હી તા. ૧૧ : વોટ્સએપ પર એક ફોટો સાથે મેસેજ વાઈરલ થઈ રહ્યો છે. આ મેસેજમાં સાથે પીએમ નરેન્દ્ર મોદીનો ફોટો છે જેના પર લખ્યું છે કે પીએમ મોદીની સુકન્યા યોજના મુજબ ૧ થી ૧૮ વર્ષની તમામ દીકરીઓને ૧૦ હજારનો ચેક આપવામાં આવી રહ્યો છે.

વાઈરલ મેસેજમાં પીએમ મોદીનો ફોટો, રજિસ્ટ્રેશન લિંક અને URLમાં gov.in લખેલું જોવા મળી રહ્યું છે. આ મેસેજ સાચો છે કે ખોટો તે જાણવા માટે ફેકટ ચેકર વેબસાઈટ www.smhoaxslayer. com આ વાઈરલ મેસેજની તપાસ કરી તો પરિણામ કંઈક અલગ જ સામે આવ્યા.

વાઈરલ મેસેજમાં પીએમ મોદીનો એક ફોટોગ્રાફ છે, જેના પર ત્રણ મેસેજ લખેલા છે. પહેલો 'બેટી બચાવો , બેટી પઢાવો'અને બીજો 'પ્રધાનમંત્રી સુકન્યા સમૃદ્ઘિ યોજના'. આ ઉપરાંત ત્રીજા મેસેજમાં લખેલું છે કે, 'પ્રધાનમંત્રી દ્વારા ૧ થી ૧૮ વર્ષની દીકરીઓને નિઃશુલ્ક ૧૦ હજાર રૂપિયાનો ચેક આપવામાં આવી રહ્યો છે. દીકરીઓના ભવિષ્ય માટે આ યોજનાને ચાલું કરવામાં આવી છે. અરજી કરવા માટેની અંતિમ તારીખ ૧૫ ઓગસ્ટ છે તો જલદી કરો અને આ મેસેજને તમારા મિત્રોને મોકલો કે જેથી તેમને આ યોજનાનો લાભ મળી શકે.'

વાઈરલ મેસેજની તપાસ કરવામાં આવી તો તે લિંક પર કિલક કરતા તેમાંથી એક વેબસાઈટનું પેજ ખુલે છે. જેમાં કેટલીક માહિતી માંગવામાં આવી છે. જેમ કે 'કન્યાનું નામ', 'અરજદારનું નામ', 'ઉંમર', 'રાજય'ની માહિતી માંગવામાં આવી છે. મહત્વની બાબતએ છે કે આ માહિતી સિવાય ના તો એડ્રેસ, ના મોબાઈલ નંબર, કે ઈમેઈલ એડ્રેસ પણ માંગવામાં આવ્યું નથી. તો સવાલ એ ઉઠે છે કે આ યોજનાનો લાભ તમારી સુધી કેવી રીતે પહોંચશે.(૨૧.૩)

(10:28 am IST)
  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST

  • આસામના મુખ્યમંત્રીની જીભ લપસી :કેન્દ્રીયમંત્રી રવિશંકર પ્રસાદને કહ્યા 'પંડિત રવિશંકર ' ; મુખ્યમંત્રી સર્બાનંદ સોનોવાલે 'ડીઝીટલ નોર્થ ઇસ્ટ વિઝન-2022;ના દસ્તાવેજના લોકાર્પણ વેળાએ પોતાના સંબોધનની શરૂઆતમાં કહ્યું '' હું ખાસકરીને પંડિત રવિશંકર જી ને ધન્યવાદ કરવા ઈચ્છીશ "જોકે બાદમાં ભૂલ સમજાતા માફી માંગી હતી access_time 12:41 am IST

  • સરકારની પગારમાં બેધારી નીતીથી શિક્ષકો નારાજ:ગ્રાન્ટેડ શાળાના શિક્ષણ સહાયકો અને સરકારી શિક્ષણ સહાયકોને મળતા પગારમાં ભેદ:ગ્રાન્ટેડ શાળાના શિક્ષકોને સાતમા પગાર પંચનો તફાવત ત્રણ હપ્તામાં આપવા અંગે માંગ:ગુજરાત રાજ્ય ઉચ્ચતર માધ્યમિક શિક્ષક સંઘ મહા મંડળ ની ચીમકી access_time 1:17 am IST