Gujarati News

Gujarati News

News of Saturday, 11th August 2018

ઇમરાન ખાન ૧૮મીએ શપથ ગ્રહણ કરશે : ભૂતપૂર્વ ભારતીય ક્રિકેટરોને આમંત્રિત કર્યા

ઈસ્લામાબાદ તા. ૧૧ : પાકિસ્તાન તેહરીક-એ-ઈન્સાફ પાર્ટીના વડા ઈમરાન ખાન ૧૮મી ઓગસ્ટે પાકિસ્તાનના વડા પ્રધાન તરીકે શપથ ગ્રહણ કરવાના છે. શપથવિધિ સમારોહમાં હાજર રહેવા માટે ભારતના દંતકથાસમા ભૂતપૂર્વ ક્રિકેટરો – સુનીલ ગાવસકર, કપિલ દેવ અને નવજોત સિંહ સિધુને આમંત્રિત કરવામાં આવ્યા છે, એમ પક્ષના પ્રવકતાએ આજે જણાવ્યું છે.

પીટીઆઈ પાર્ટીના અતિરિકત માહિતી સચિવ જાવેદ ખાને કહ્યું છે કે શપથવિધિ સમારોહમાં ઈમરાન ખાનની ૧૯૯૨ની વર્લ્ડ કપ વિજેતા ટીમના સભ્યોને પણ હાજર રહેવાનું આમંત્રણ આપવામાં આવ્યું છે.

ભારતીય ભૂતપૂર્વ ક્રિકેટરોને આમંત્રિત કરવાની આ જ પ્રકારની જાહેરાત અગાઉ પીટીઆઈના માહિતી સચિવ ફવાદ ચૌધરીએ કરી હતી, પણ બાદમાં પાર્ટીએ જણાવ્યું હતું કે એણે ઈમરાન ખાનનો શપથવિધિ સમારોહ સાદાઈથી ઊજવવાનું નક્કી કર્યું છે તેથી કોઈ પણ વિદેશી હસ્તીઓને આમંત્રિત કરવામાં નહીં આવે.

પીટીઆઈના સંસદસભ્ય ફૈસલ જાવેદદે પણ ટ્વીટ કર્યું છે કે પાર્ટીએ સુનીલ ગાવસકર, કપિલ દેવ અને સિધુને શપથ વિધિ સમારોહમાં હાજર રહેવાનું આમંત્રણ આપ્યું છે.

જાવેદે ટ્વીટમાં કહ્યું છે કે ઈમરાન ખાન ૧૮ ઓગસ્ટે વડા પ્રધાન તરીકે શપથ લેશે. પાકિસ્તાનના પ્રમુખ મમનૂન હુસૈને ૧૩ ઓગસ્ટે રાષ્ટ્રીય ધારાસભાનું સત્ર બોલાવ્યું છે. એ વખતે સંસદમાં નવા ચૂંટાયેલા સભ્યો શપથ લેશે. પીટીઆઈ સંસદીય સમિતિએ ઈમરાન ખાનને સંસદીય નેતા તરીકે અને પાકિસ્તાનના નવા વડા પ્રધાન માટેના ઉમેદવાર તરીકે ગયા સોમવારે સત્તાવાર રીતે ચૂંટી કાઢ્યા હતા.(૨૧.૪)

(10:26 am IST)
  • રેલરાજ્યમંત્રી રાજેન ગોહેન વિરુદ્ધ યુવતી પર બળત્કાર અને ધમકાવાના મામલે ગુન્હો નોંધાયો ; આસામ પોલીસે નગાવ જિલ્લામાં 24 વર્ષની મહિલા પર દુષકર્મ અને તેને ધમકાવવા મામલે ફરિયાદ નોંધી છે access_time 1:14 am IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST

  • રાજ્યસભાના ઉપસભાપતિની ચૂંટણીમાં જેડીયુને સમર્થન આપ્યું ભાજપને નહીં ;બીજેડીએ કહ્યું કે વૈચારિક સમાનતાને કારણે જેડીયુને સમર્થન આપ્યું અને ભાજપ અને કોંગ્રેસથી અંતર રાખ્યું છે : ઓરિસ્સામાં સત્તારૂઢ બીજેડીયુના અધ્યક્ષ નવીન પટનાયકએ જેડીયુના અધ્યક્ષ નીતીશકુમાર સાથે વાતચીત કર્યા બાદ જેડીયુના ઉમેદવાર હરિવંશ નારાયણ સિંહને સમર્થન આપ્યું હતું access_time 12:27 am IST