Gujarati News

Gujarati News

News of Friday, 10th August 2018

ભગાડી લગ્ન કરનાર યુવકે બેંકમાં યુવતીના નામે જમા કરવા પડશે રૂપિયા :હાઇકોર્ટનો દિશા નિર્દેશ

પંજાબ-હરિયાણામાં દરરોજ 20થી 30 જોડીઓ ભાગીને કરે છે લગ્ન ;ઘણા પોલીસ સુરક્ષા માટે કોર્ટ પહોંચે છે

 

ચંદીગઢ :પંજાબ-હરિયાણામાં ભાગી જઈને લગ્ન કરનાર માટે હાઇકોર્ટે દિશા નિર્દેશ જાહેર કર્યા છે જેમાં જો કોઈ યુવક કોઈ યુવતીને ઘરેથી ભગાડીને લગ્ન કરે તો યુવકે તે યુવતીના નામે બેન્કમાં 50 હજારથી લઈને 3 લાખ રૂપિયા સુધી જમા કરાવવા પડશે. ઘરેથી ભાગીને લગ્ન કરવા માટે પોલીસ સુરક્ષા માંગનાર જોડીને હાઈકોર્ટે કહ્યું હતું કે યુવક પહેલા યુવતીના બેન્ક ખાતામાં એક નિર્ધારિત રકમ જમા કરાવે.

   હાઇકોર્ટનો આ દિશા નિર્દેશ એવી જોડીઓના સંદર્ભમાં આવ્યો છે જે ઘરેથી ભાગીને લગ્ન કરવા માટે પોલીસ સુરક્ષાની માંગણી કરે છે. ન્યાયધીશ પીબી બજંથરીએ 27 જુલાઈ 2018થી અત્યાર સુધી ચાર એવા દિેશા નિર્દેશ જારી કર્યા છે જેમાં યુવકને યુવતીના બેન્ક ખાતામાં રકમ જમા કરાવવા માટે કહ્યું છે.

    પંજાબ અને હરિયાણામાં દરરોજ એવરેજ 20થી 30 જોડીઓ પરિવારની મરજી વિરુદ્ધ ભાગીને લગ્ન કરે છે. જેમાં ઘણી જોડીઓ પોલીસની સુરક્ષા મેળવવા માટે કોર્ટનો દરવાજો ખખડાવે છે આવા મામલોમાં જોડીઓને પરિવાર તરફથી જીવનું જોખમ હોવાનો દાવો કરીને પોલીસની માંગણી કરે છે.
   પહેલા હાઇકોર્ટ સુરક્ષાની દાવાની તપાસ કરી કોઈ નિર્ણય સંભળાવતા હતા. છેલ્લા કેટલાક સમયથી હાઇકોર્ટે દિશા નિર્દેશ આપીને યુવતીના નામે 50 હજારથી લઈને 3 લાખ રૂપિયા સુધીની રકમ જમા કરાવવાનો નિર્ણય કર્યો છે. આ રકમ એક મહિનાની અંદર ત્રણ વર્ષના સમયગાળા માટે જમા કરાવવી પડશે.

(12:08 am IST)
  • લલીત વસોયા અને હાર્દિક પટેલ સહિત તમામ ધારાસભ્યો-અટકાયતીઓને મુકત કરી દેવાયાઃ લલીતભાઇ પાસેથી લેખિતમાં બાંહેધરી લેવાયાના હેવાલો access_time 3:35 pm IST

  • રોહીંગ્યા શરણાર્થીની વાપસીનો માર્ગ ખુલવા સંભવ :બાંગ્લાદેશ,અને મ્યાંમારએ વિદેશ મંત્રાલય વચ્ચે વાતચીત કરવા હોટલાઇન સેવા શરુ :મ્યાંમારના ઓફિસ ઓફ સ્ટેટ કાઉન્સીલરના મંત્રી કયાવ ટિન્ટ સર્વે અને બાંગ્લાદેશના વિદેશમંત્રી અબુલ હસન મહમૂદ અલી વચ્ચે મ્યાંમારની રાજધાની નેપડામાં બેઠક યોજાઈ હતી access_time 12:17 am IST

  • ગાંધીનગર: રાજ્યના તમામ જિલ્લા કલેક્ટર્સને નારી અને બાળ સંરક્ષણ ગૃહોમાં CMO દ્વારા સઘન તપાસના આદેશ:બાળ તેમજ નારી સંરક્ષણ ગૃહમાં બાળકો અને મહિલાઓની સુરક્ષા બાબતે સમીક્ષા કરી રિપોર્ટ કરવાની સૂચના :મુઝફ્ફરનગર યૌન શોષણ કેસને ધ્યાનમાં લઇ રાજ્ય સરકારના આદેશ access_time 9:03 pm IST