Gujarati News

Gujarati News

News of Friday, 11th June 2021

લગ્ન સમયે દુલ્હનની બહેને જીજાજીને ચુંબન કરતા વરરાજા ભોંઠો પડ્યોઃ સોશ્યલ મીડિયામાં વીડિયો વાયરલ

નવી દિલ્હી: લગ્ન સમયે મસ્તી મજાક તો ચાલતી રહે છે. સોશિયલ મીડિયા પર હાલ એક ગજબ મજેદાર વીડિયો વાયરલ થઈ રહ્યો છે જેને જોઈને દરેક જણ હક્કા બક્કા રહી ગયા.

વરરાજા સાથે અજીબ હરકત

સોશિયલ મીડિયા સાઈટ ઈન્સ્ટાગ્રામ પર લગ્નના વીડિયો વાયરલ થતા રહે છે. આવો જ એક વીડિયો વાઈરલ થઈ રહ્યો છે જેને જોઈને તમારું હસવું રોકાશે નહીં. જો કે આ એક ચોંકાવનારો વીડિયો પણ કહી શકાય. લગ્ન સમારોહમાં બધાની સામે જ દુલ્હેરાજા સાથે એવી મજાક થઈ ગઈ કે ત્યાં હાજર દરેક જણ સ્તબ્ધ થઈ ગયા.

વાત જાણે એમ છે કે સ્ટેજ પર બેઠેલા દુલ્હેરાજા તેમની ધૂનમાં હતા. બાજુમાં દુલ્હન બેઠી હતી. જ્યારે દુલ્હેરાજા જે ખુરશીમાં બેઠા હતા તેના હાથા પર એક છોકરી બેઠેલી જોવા મળે છે. આ છોકરી દુલ્હનની સાળી હોવાનું કહેવાય છે. સાળી જીજાજી સાથે આવીને બેસી જાય છે અને અચાનક તેના જીજાજીને ખેંચીને કિસ કરી લે છે. આ હરકત બાદ દુલ્હેરાજા તો ભોંઠા પડી જાય છે.

અચાનક ઘટેલી આ ઘટનાથી ત્યાં હાજર લોકો સ્તબ્ધ થઈ જાય છે. આમ પણ જો કે જીજા-સાળીનો સંબંધ આવો જ મજાક મસ્તીવાળો હોય છે. આ વીડિયો હાલ સોશિયલ મીડિયા પર ખુબ વાયરલ થઈ રહ્યો છે. કેટલાક લોકોની ઉત્સુકતા એ હદે છે કે આ થયા પછી સ્થિતિ શું હતી. દુલ્હનની બહેનને આ તે શું સૂજ્યું કે જીજાજીને ચુંબન ચોડી દીધુ. વાત ગમે તે હોય પણ હાલ તો લોકોને સોશિયલ મીડિયા પર ભરપૂર મનોરંજન કરાવી રહ્યો છે આ વીડિયો.

(5:07 pm IST)
  • અહો આશ્ચર્યમ !! ઇઝરાઇલના યેવ્નીમાં ખોદકામ દરમિયાન 1000 વર્ષ જૂનું મરઘીનું અખંડ ઇંડું મળી આવ્યું છે. એક પુરાતત્ત્વવિદે જણાવ્યું હતું કે, "આ ઇંડાની અનન્ય જાળવણી દેખીતી રીતે નરમ માનવ મળ ધરાવતા સેસપિટમાં, તે સદીઓથી મૂકેલી સારી પરિસ્થિતિઓને કારણે હતી અને આ ઈંડાને આટલા વર્ષો જાળવી રાખવામાં મદદરૂપ બની હતી." અન્ય એક પુરાતત્ત્વવિદે કહ્યું કે, "ઇંડામાં એક નાની તિરાડ હતી, જેના લીધે મોટાભાગનું પ્રવાહી તેમાંથી બહાર નીકળી ગયું હતું." access_time 5:50 pm IST

  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST