Gujarati News

Gujarati News

News of Friday, 11th June 2021

લક્ષદ્વિપ પોલીસે ફિલ્મ મેકર આઈશા સુલ્તાના વિરુદ્ધ રાજદ્રોહનો ગુનો દાખલ કર્યો : એક ટીવી ડિબેટ દરમિયાન લક્ષદ્વીપના પ્રશાસક પ્રફુલ્લ પટેલને કેન્દ્રનું “બાયો વેપન” ગણાવતી ટિપ્પણી કરવા બાબતે રાજદ્રોહનો આરોપ લગાવાયો

નવી દિલ્હી: કેન્દ્ર શાસિત પ્રદેશ લક્ષદ્વિપ છેલ્લા કેટલાક દિવસોથી સતત ચર્ચામાં છે. એવામાં હવે લક્ષદ્વિપ પોલીસે ગુરુવારે ફિલ્મ મેકર આઈશા સુલ્તાના વિરુદ્ધ રાજદ્રોહનો ગુનો દાખલ કર્યો છે. આઈશા પર એક ટીવી ડિબેટ દરમિયાન લક્ષદ્વીપના પ્રશાસક પ્રફુલ્લ પટેલને કેન્દ્રનું બાયો વેપન ગણાવતી ટિપ્પણી કરવા બાબતે રાજદ્રોહનો આરોપ લગાવાયો છે.

ભાજપના લક્ષદ્વિપ યુનિટના અધ્યક્ષ અબ્દુલ કાદર દ્વારા કરવત્તી પોલીસ સ્ટેશનમાં ફરિયાદ દાખલ કરવામાં આવ્યા બાદ પોલીસે આઈશા વિરુદ્ધ ગુનો નોંધ્યો છે. તેમનું કહેવું છે કે, આઈશા સુલતાનાએ એક મલયાલમ ચેનલમાં ડિબેટ દરમિયાન કેન્દ્ર શાસિત પ્રદેશમાં કોરોના સંક્રમણ પાછળ પ્રફુલ પટેલનો હાથ છે. આઈશાએ જણાવ્યું હતું કે, કેન્દ્ર સરકારે લક્ષદ્વિપમાં કોરોનાના ફેલાવા માટે બાયો વેપનનો ઉપયોગ કર્યો છે.

કરવત્તી પોલીસ દ્વારા દાખલ FIR મુજબ, ફિલ્મ નિર્માતા આઈશા વિરુદ્ધ ભારતીય દંડ સંહિતાની કલમ 124-એ (રાજદ્રોહ) અને 153-બી (અભદ્ર ભાષા) અંતર્ગત ગુનો દાખલ કરવામાં આવ્યો છે.

BJP નેતાએ પોતાની ફરિયાદમાં આરોપ લગાવ્યો કે, સુલતાનાનું એક રાષ્ટ્ર વિરોધી કૃત્ય હતું. જેનાથી કેન્દ્ર સરકારની દેશભક્તિની છબી ખરડાઈ છે. આટલું જ નહીં, તેમણે આઈશા વિરુદ્ધ કાર્યવાહીની માંગ કરી છે. અગાઉ પણ ભાજપે ફિલ્મ મેકર વિરુદ્ધ કાર્યવાહીની માંગ કરતાં લક્ષદ્વિપમાં વિરોધ પ્રદર્શન કર્યું હતું.

જણાવી દઈએ કે, આઈશા સુલતાના લક્ષદ્વિપના ચેટિયાથ દ્વિપની રહેવાશી છે. સ્થાનિક મૉડલ અને અભિનેત્રી સુલતાનાએ અનેક મલયાલમ ફિલ્મ નિર્માતાઓ સાથે કામ પણ કર્યું છે.

(5:05 pm IST)
  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST