Gujarati News

Gujarati News

News of Friday, 11th June 2021

ઉત્તરપ્રદેશના રાજકીય ડખ્ખા પાછળ રાજ્યના બે કટકા કરવાની બાબત હોવાની ચર્ચાઃ નવું પૂર્વાંચલ રાજ્ય બનાવવા હિલચાલ

નવી દિલ્હીઃ ઉત્તરપ્રદેશ ભાજપમાં કથિત રીતે ઉભા થયેલા કજીયા પાછળ રાજ્યના બે કટકા કરવાનો મામલો હોવાનું કહેવાય છેઃ કેન્દ્રીય નેતાગીરી ઉત્તરપ્રદેશના બે કટકા કરી પૂર્વાંચલને અલગ રાજ્ય બનાવવા સક્રિય બનતા જ યોગી આદિત્યનાથ નારાજ થયા હોવાનું કહેવાય છેઃ અત્રે એ નોંધનીય છે કે, જ્યારે માયાવતી મુખ્યમંત્રી હતા ત્યારે પણ રાજ્યને ચાર ભાગોમાં વહેચવાની કવાયત હાથ ધરવામાં આવી હતી પરંતુ ખીચડી પાકી નહોતીઃ હવે ફરી એક વખત પૂર્વાંચલને અલગ રાજ્ય બનાવવાની માંગ ઉઠી છેઃ આવતા વર્ષે યોજાનારી વિધાનસભાની ચૂંટણી પહેલા ભાજપનો હાઇકમાન્ડ યુપીનું વિભાજન કરી અલગ પૂર્વાંચલ રાજ્ય બનાવવા વિચાર કરી રહ્યુ છેઃ એ.કે. શર્માને યુપી મોકલવા પાછળનો આ જ હેતુ હોવાનું કહેવાય છેઃ જો પૂર્વાંચલ અલગ રાજ્ય બને તો ગોરખપુર નવા રાજ્યનો હિસ્સો બને તે યોગીનો ગઢ છેઃ જો કટકા થાય તો પૂર્વાંચલમાં ૨૩ થી ૨૫ જિલ્લા અને ૧૨૫ વિધાનસભા બેઠકો હોઇ શકે છે

(4:03 pm IST)
  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST

  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST