Gujarati News

Gujarati News

News of Friday, 11th June 2021

યોગી શાહ મુલાકાતનું ઘૂંટાતું રહસ્ય : યુપીમાં ચૂંટણી પૂર્વે સરકાર, પ્રધાનો અને ધારાસભ્યો વચ્ચે સમન્વયનો અભાવ તથા પછાત જ્ઞાતિઓમાં ભાજપ પ્રત્યે ભારે ઘૂંઘવાટ એ મુખ્ય કારણ?

ઉત્તર પ્રદેશમાં વધતા જતા રાજકીય તનાવ વચ્ચે મુખ્યમંત્રી યોગી આદિત્યનાથ ગઈકાલે અમિતભાઈને પોણા બે કલાક સુધી મળ્યા હતા. મિટિંગ શરૂ થતા પૂર્વે યોગી આદિત્યનાથને પંદર મિનિટ રાહ જોવી પડી હતી. આજે  તેઓ વડાપ્રધાન નરેન્દ્રભાઈ ને પણ મળી રહ્યા છે. યોગીની નજીકના વર્તુળો કહી રહ્યા છે કે આ બેઠક માત્ર કોરોના મહામારી દરમિયાન રાજ્ય સરકાર તરફથી લેવામાં આવેલા પગલાઓ સંદર્ભે હતી, પરંતુ આંતરિક સૂત્રો જણાવે છે કે યુપીમાં સરકાર પ્રત્યે પછાત જ્ઞાતિઓની નારાજગીને લઈને નેતૃત્વ ભારે ચિંતિત છે. આવતા વર્ષે ઉત્તરપ્રદેશમાં ચૂંટણીઓ આવી રહી છે ત્યારે બંગાળ જેવો ભાજપનો ધબડકો ન થાય તે માટે ભાજપ હાઇકમાન્ડ તમામ પગલાઓ લઈ રહી છે.  રાષ્ટ્રીય સંગઠન મંત્રી એ ઉત્તર પ્રદેશ થી પાછા ફરીને તે રિપોર્ટ હાઈ કમાન્ડને સોંપ્યો છે તેમાં પણ ઉત્તર પ્રદેશ સરકારના ધારાસભ્યો, પ્રધાનો અને મુખ્યમંત્રી વચ્ચે સમન્વયની ભારે કમીને ઉજાગર કરવામાં આવેલ છે.

(11:42 am IST)
  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST