Gujarati News

Gujarati News

News of Friday, 11th June 2021

બે વર્ષમાં ITR ફાઇલ કર્યા ન હોય તેવા કરદાતાએ ડબલ TDS ચૂકવવો પડશે

નવી દિલ્હી, તા.૧૧: જે કરદાતાઓએ છેલ્લા બે વર્ષમાં ITR ફાઈલ ન કર્યા હોય કે દર વર્ષે કાપવામાં આવેલો TDS રૂ. ૫૦,૦૦૦ કરતાં વધારે હોય તો આવા કરદાતાઓએ ૧ જુલાઈથી બમણો TDS ચૂકવવો પડશે. કેટલાક પ્રકારની આવકમાં ૨૦૨૧નાં બજેટમાં ઉંચો TDS વસૂલ કરવા માટે નવી કલમ ૨૦૬અઇ સામેલ કરવામાં આવી છે. જે હેઠળ કરદાતાએ છેલ્લા બે વર્ષમાં TDS દર્શાવતું ITR ફાઈલ ન કર્યું હોય તેમજ દર વર્ષે કાપવામાં આવેલી TDSની રકમ રૂ. ૫૦,૦૦૦થી વધી જતી હોય તો તેવા કિસ્સામાં કરદાતાએ બમણો TDS ચૂકવવાનો રહેશે.

ત્રણ પ્રકારે ઊંચો TDS વસૂલ કરી શકાશે

૧. ટીડીએસનો દર નીચલી મર્યાદા કરતા ઊંચો હોય તેવા સંજોગોમાં જે તે સેકશનમાં કે જોગવાઈ કર્યા મુજબના દર કરતાં બમણા દરે વસૂલાત. ૨. અમલમાં હોય તેનાં કરતાં બમણા દરે વસૂલાત. ૩. પાંચ ટકાનાં દરે ટીડીએસની વસૂલાત.

TDS ફાઈલ કરવાની છેલ્લી તારીખ નાણાકીય વર્ષ ૨૦૨૧ માટે ઈન્કમટેકસ રિટર્ન ફાઈલ કરવાની છેલ્લી તારીખ ૩૦ જૂન સુધી લંબાવવામાં આવી છે જે અગાઉ ૩૧ મે સુધીની કરાઈ હતી.

કયા કિસ્સામાં નવી કલમ ૨૦૬AB લાગુ નહીં પડે?

 કલમ ૧૯૨ હેઠળ પગાર માટે કે કલમ ૧૯૨A હેઠળ પ્રોવિડન્ટ ફંડમાંથી ઉપાડ કર્યો હોય તેવા કિસ્સામાં.

 કલમ ૧૯૪B અથવા ૧૯૪BB હેઠળ કાર્ડ ગેમ, ક્રોસ વર્ડ, લોટરી, પઝલ કે અન્ય કોઈ ગેમ્સ કે હોર્સ રેસ જીતીને મેળવવામાં આવેલી રકમ.

 કલમ ૧૯૪ગN હેઠળ રૂ.૧ કરોડથી વધુ રકમનાં ઉપાડ પર TDS લાગુ પડશે નહીં.

 કલમ ૧૯૪LMC હેઠળ સિકયુરિટાઈઝેશન ટ્રસ્ટમાં રોકાણ સામેની આવક.

(10:40 am IST)
  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST