Gujarati News

Gujarati News

News of Tuesday, 11th June 2019

યુ.એસ.માં IHCNJના ઉપક્રમે ૧૬ જુન ૨૦૧૯ રવિવારના રોજ ''ફ્રી હેલ્થફેર'': બાલાજી ટેમ્પલ બ્રિજવોટર, ન્યુજર્સી મુકામે યોજાનારા કેમ્પમાં રજીસ્ટ્રેશન કરાવવાની છેલ્લી તારીખ ૧૪ જુન ૨૦૧૯

(દિપ્તીબેન જાની દ્વારા) ન્યુજર્સીઃ યુ.એસ.માં ઇન્ડિયન હેલ્થ કેમ્પ ઓફ ન્યુજર્સી (IHCNJ)ના ઉપક્રમે ૧૬ જુન ૨૦૧૯ રવિવારના રોજ ફ્રી હેલ્થફેરનું આયોજન કરાયું છે.

શ્રી વેંકટેશ્વર ટેમ્પલ (બાલાજી મંદિર) કોમ્યુનીટી સેન્ટર,૧, બાલાજી ટેમ્પલ ટેમ્પલ ડ્રાઇવ, બ્રિજવોટર, ન્યુજર્સી મુકામે યોજાનારા હેલ્થફેરનો સમય સવારે ૮-૩૦ થી બપોરે ૧ વાગ્યા સુધીનો રહેશે.

વિનામૂલ્યે રોગોના નિદાન તથા રોગો તથા અટકાવવા માટે યોજાનારા આ કેમ્પમાં બ્લડ ટેસ્ટ, EKG, આંખોની  તપાસ, ફીઝીકલ એકઝામીનેશન,કાર્ડીઆક નિદાન, કેન્સર નિદાન દાંતની તપાસ, ફીઝીકલ થેરાપી, ફાર્સસી, ડાએટરી, વેઇટ મેનેજમેન્ટ, તથા મેન્ટલ હેલ્થ સહિતની ચકાસણી ઉપરાંત રોગો થતા અટકાવવા માર્ગદર્શન અપાશે. જેનો લાભ ૪૦ વર્ષથી વધુ વયના તથા મેડીકલ ઇન્સ્યુરન્સ નહીં ધરાવતા અથવા ઓછો ધરાવતા લોકો લઇ શકશે.

વિશેષ માહિતી WWW.IHCNJ.ORG  ઉપર Events કિલક કરી ઓનલાઇન રજીસ્ટ્રેશન કરાવી શકાશે. જે માટે ૧૦ ડોલર રીફન્ડેબલ ડીપોઝીટ  ''Venmo'' દ્વારા ભરવાની રહેશે. જે માટેની છેલ્લી તારીખ ૧૪ જુન ૨૦૧૯ છે.

વિશેષ માહિતી માટે શ્રી શિરીષ પારેખ ૯૦૮-૪૬૮-૭૮૨૯, અથવા ડો. તુષાર પટેલ ૮૪૮-૩૯૧-૦૪૯૯ દ્વારા અથવા tpatel434@yahoo.com દ્વારા મળી શકશે. તેવું ડો.તુષાર પટેલની યાદી દ્વારા જાણવા મળે છે.

(8:41 pm IST)
  • રાજકોટમાં આકાશમાં આંશિક વાદળો છવાયાઃ ગરમીમાં ઘટાડોઃ ૩૯.૬ ડીગ્રી : આજથી ગરમી ઘટશે : વાવાઝોડાની અસર દેખાવા લાગી : શહેરમાં આજે બપોરે વાદળો છવાયાઃ ગરમીમાં થોડો ધટાડોઃ ૧૬ કી.મી.ની ઝડપે પવન ફુંકાય છેઃ 'વાયુ' વાવાઝોડાના પગલે ક્રમશઃ ગરમીમાં ઘટાડો થતો જશે access_time 4:15 pm IST

  • કેન્દ્રીય કેબિનેટની નિમણૂંક સમિતિએ વડાપ્રધાનના મુખ્ય સચિવ તરીકે ડો. નૃપેન્દ્ર મિશ્રા, આઇ.એ.એસ.(નિવૃત્ત) ની નિમણૂંક કરી છે. આ ઓર્ડર 31 મે, 2019 થી અમલમાં ગણાશે. ડો. નૃપેન્દ્ર મિશ્રાને તેમના કાર્યકાળ દરમિયાન કેબિનેટ મંત્રીની કક્ષાનો હોદો મળશે. આ ઉપરાંત, નિવૃત્ત આઇએએસ અધિકારી પી કે મિશ્રાને વડાપ્રધાનના અધિક મુખ્ય સચિવ બનાવવામાં આવ્યા છે. આ ઓર્ડર પણ 31 મે, 2019 થી પણ અમલમાં ગણાશે. તેમના કાર્યકાળ દરમિયાન તેમને પણ કેબિનેટ મંત્રીનું સ્થાન મળશે. access_time 12:40 am IST

  • પ.બંગાળઃ ઝાડ ઉપર લટકતી હાલતમાં મળ્યા ભાજપ-સંઘના કાર્યકરોના મૃતદેહો : કોલકતાઃ પ.બંગાળમાં રાજકીય હિંસા સમાપ્ત થવાનું નામ જ નથી લેતીઃ ભાજપ-તૃણમૂલ સામસામી આક્ષેપબાજી કરી રહ્યા છેઃ હાવડાના આમટા સ્થિત સરપોટા ગામમાં ભાજપના કાર્યકર સમાતુલ દોલુઈનું શબ ઝાડ ઉપર લટકતી હાલતમાં મળ્યું: ભાજપે આની પાછળ તૃણમૂલને જવાબદાર ઠેરવ્યુ છેઃ રવિવારે સંઘના કાર્યકર સ્વદેશ મન્નાનો મૃતદેહ પણ અતચટા ગામમાં વૃક્ષ ઉપર લટકતો મળ્યો હતો. તેમણે જય શ્રી રામની રેલી તાજેતરમાં યોજી હતી access_time 11:39 am IST